E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

A ndikoj SHBA në zgjedhjen e ministrave të rinj?/ Kim u jep përgjigje aludimeve

28 Janar 2021, 21:22, Politikë CNA

Ambasadorja amerikane Yuri Kim në një intervistë në emisionin ??Real Story?? ka dhënë një mendim për qeverinë aktuale të Ramës dhe për atë që mund të vijë pas 25 prillit.

Kim pranoi se SHBA me qeverinë aktuale ka pasur dhe ka bashkëpunim të mirë, teksa nuk përjashton të njëjtën gjë edhe me qeveritë paraardhëse në Shqipëri.

Po ashtu ajo thekson se pavarësisht se çfarë ndodh më 25 prill dhe kush qeveri vjen, marrëdhënia Uashington-Tiranë do të mbetet e fortë dhe solide.

?Mendoj se nga perspektiva e SHBA, kemi pasur bashkëpunim të mirë me këtë qeveri. Kemi pasur bashkëpunim të mirë edhe me qeveritë e mëparshme dhe jemi të kënaqur me këtë dhe shpresojmë e jemi të bindur, në fakt, që pavarësisht çfarë ndodh më 25 prill, për sa i përket marrëdhënies midis Uashingtonit dhe Tiranës, ajo do mbetet e fortë”, tha Kim.

Duke u ndalur te ndryshimet e fundit në qeveri dhe nëse ato kanarrë miratimin nga SHBA, ambasadorja Yuri Kim tha se Shqipëria është një vend sovran dhe njerëzit kanë fantazi e teori konspirative, kur mendojnë se SHBA është përgjegjëse për gjithçka.

Sipas kryediplomates amerikane, ?udhëheqësit e Shqipërisë dhe populli shqiptar janë përgjegjës për Shqipërinë. Nuk është përgjegjësia e askujt tjetër?.

E pyetur nëse me ngritjen e Gjykatës Kushtetuese u bë dhe një paqe mes Ilir Metës dhe ambasadores Kim, kjo e fundit u përgjigj se në të vërtetë ka pasur gjithmonë marrëdhënie të mira me Presidentin shqiptar.

?Gjithmonë kam pasur një marrëdhënie të mirë me të. Si diplomatë, përpiqemi të kemi marrëdhënie të mira me të gjithë udhëheqësit dhe mendoj se të gjitha marrëdhëniet kanë ulje-ngritje, por është me rëndësi që të mbahen hapur linjat e komunikimit dhe të prodhohen rezultate nga ato marrëdhënie. Ndaj, jam e kënaqur që kemi mundësi ta bëjmë këtë.?

Ambasadorja foli edhe për gjykatën kushtetuese.

?Mendoj se duhet të presim e të shohim dhe mund ta keni parë që shkova të takoja anëtarët e Gjykatës Kushtetuese, shkova bashkë me Ambasadorin e BE-së. Edhe të tjerë kanë bërë të njëjtën gjë për t?i nxitur që ta marrin rolin e tyre seriozisht, dhe besoj se e bëjnë këtë, dhe një nga gjërat që i përmenda kur i takova ishte: kur shoh historinë e SHBA dhe se çfarë kemi kaluar, një nga gjërat për të cilat jam vërtet krenare është fakti që gjyqtarët federalë, kur erdhi puna tek vendime shumë të vështira, ata morën vendime bazuar në interpretimin që i bënë ligjit, pavarësisht se kush i emëroi në ato poste.

Dhe mendoj që kjo është diçka që e duan edhe shqiptarët dhe duhet ta kenë dhe mund ta kenë dhe mendoj ka shumë rëndësi. I gjithë ky nocioni i institucioneve të caktuara apo personave të caktuar se janë të kapur është shumë i dëmshëm dhe mendoj se kemi të drejtë të kemi pritshmërinë që gjyqtarët dhe prokurorët dhe institucionet tani do të tregojnë që, në fund të ditës, interesi i tyre është ai i popullit shqiptar, jo i individëve të caktuar?, tha Kim./CNA.al