web counter
LEXO PA REKLAMA!

SHKARKO APP

App Store
Google Play

Mesazhet e forta për Ramën e Bashën/ Yuri Kim: Prodhuan rezultate, morën angazhime para meje

28 Janar 2021, 20:31, Politikë CNA

Ambasadorja e SHBA në Tiranë, Yuri Kim, ka folur mbrëmjen e sotme për ngjarjet politike që kanë ndodhur në Shqipëri gjatë vitit 2020.

Kim tha se gjatë kësaj kohe kanë ndodhur gjëra të rëndësishme që kanë prodhuar rezultate, duke përmendur këtu ngritjen e Gjykatës Kushtetuese, SPAK-un dhe BKH-në.

Përsa i përket thirrjeve të saj të herëpashershme, ajo pretendon se janë dëgjuar dhe i kanë bërë udhëheqësit politikë të marrin angazhime.

?Mendoj ka qenë një vit plot ngjarje për marrëdhëniet SHBA-Shqipëri dhe mendoj se jemi të kënaqur që mundëm të kishim një rol mbështetës por merita, nëse ka meritë, i shkon popullit dhe udhëheqësve shqiptarë. Mendoj se në shumë mënyra, prodhuan rezultate. Puna nuk ka mbaruar ende, por mendoj është shumë e qartë që udhëheqësit morën angazhime përpara meje, SHBA, popullit shqiptar, dhe prodhuan rezultate. Për shembull, vitin e kaluar Gjykata Kushtetuese nuk ishte funksionale, tani është funksionale. Nuk është ende e përsosur, por funksionale, një hap madhor përpara për reformën në drejtësi.

Së dyti, SPAK tani është funksional. Nuk po lëviz aq shpejt sa mendoj do shpresonin njerëzit, por po lëviz dhe mendoj është diçka e rëndësishme. Së treti, BKH është institucionalizuar, inspektorët janë marrë në punë dhe mendoj gjërat do fillojnë të lëvizin. Dhe nuk janë vetëm këto. Siç jua kam thënë, për mua, në Shqipëri kemi tri prioritete: demokraci, mbrojtje dhe biznes. Fola për pjesën e demokracisë?, deklaroi ambasadorja në emisionin ?Real Story?./ CNA.al





Lajmet e fundit nga