web counter
LEXO PA REKLAMA!

SHKARKO APP

App Store
Google Play

Vrasja e katër protestuesve në 21 janar/ Rrëfehet Berisha, tregon si ndodhi ngjarja

21 Janar 2021, 20:08, Politikë CNA

Ish kryeministri Sali Berisha ka reaguar ditën e sotme për ngjarjen e 21 janarit 2011, ku mbetën të vrarë katër qytetarë, të cilët të thirrur nga Edi Rama në atë kohë në opozitë, kërkonin arrestimin e Ilir Metës.

Gjatë një interviste për ?Syri Tv?, Berisha u shpreh se ngjarja e 10 viteve më parë ishte një përpjekje për të marrë pushtetin me dhunë , duke shtuar se qëllimi i vërtetë i protestuesve ishte mësyrja brenda Kryeministrisë.

Duke iu referuar veprimeve të Gardës që qëlluar në drejtim të protestuesve, Berisha u shpreh se ata u hetuan nga ana e prokurorisë dhe rezultoi që nuk ishin në shkelje të ligjit.

Po ashtu, ish kryeministri tha më tej se ai ka kërkuar edhe një hetim ndërkombëtar, por kjo gjë nuk u pranua nga ana e Edi Ramës, pasi ky i fundit kishte frikë se mos prekej nga drejtësia.

?21 janari shënon përpjekjen e dytë për të marrë pushtetin me dhunë. Kjo është e vërteta. Qëllimi i protestuesve ishte të pushtonin Kryeministërinë. Kjo nuk është fantazi sepse ata hapën derën e kryeministrisë dhe dihet kush e solli.

Garda nuk ka shkop as gaz as sprait. Mjeti i vetëm që ka Garda në gjithë botën ëshytë arma. Nëse gardistët qëlluan në përputhje me ligjin apo jo kjo u hetua nga grupi i Ina Ramës. Njeriu që ka shmangur hetimet ka qenë Edi Rama. Edi Rama nu ka pranuar hetimin ndërkombëtar, sepse ata sollën zjarrin në derën e Kryeministrisë. U vranë 4 veta dhe u hetua nga një drejtësi e paanshme. Siç tregojnë mediat, janë qëlluar në ajër një herë.

Unë isha në zyrën time dhe janë të dokumentuara ku ka qëlluar plumbi. Unë kam kërkuar me dhjetëra herë që të vijnë prokurorë ndërkombëtar, por nuk u pranua. Prokurori ndërkombëtar do hetonte rrethanat por edhe ata që i sollën si mish për top aty?, tha Berisha./CNA.al





Lajmet e fundit nga