E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Pse Gjetan Gjetani ka “frikë” të kandidoj për LSI?

21 Janar 2021, 12:52, Politikë CNA

Shprehja ?ikën nga fryn era? iu shkon shumë për shtat aktorëve në politikën shqiptare. Gjetan Gjetani, një deputet i dalë nga sigla e PS ka vendosur të bashkohet me LSI pasi Edi Rama e përjashtoi nga grupi socialist.

Gjatë kësaj kohe, deputeti i Kurbinit ka reaguar disa herë kundër kryeministrit Edi Rama. Madje në qershor, ai u bëri thirrje kolegëve të tij socialistë që të mos e ndjekin kryeministrin në mbajtjen e zgjedhjeve të datës 30 qershor. Ai mbështeste vendimin e presidentit Ilit Meta për anulimin e datës 30 për zgjedhjet, duke konsideruar se vendimi i tij është për bashkimin e shqiptarëve dhe për zgjedhje të lira. Madje disa herë ka bërë thirrje për largimin e Ramës.

Ndërsa ditëne djeshme, Gjetani u regjistrua si deputet i LSI për të regjistruar këtë parti në KQZ si subjekt politik për zgjedhjet e 25 prillit.

CNA.al kontaktoi me Gjetanin, i cili tha se do të jetë në mbështetje të partisë së Monës në Kurbin, pasi atje ka njohje, duke shtuar se nuk do të jetë ai kandidati për deputet por në vend të tij do të emëroj dikë tjetër.

?Unë jam anëtarë i LSI nuk kishte arsye pse mos të deklaroja që përfaqësoj këtë parti në Parlament. Por unë nuk do të kandidoj për deputet këtë vit. Unë do kontriboj për LSI do jap maksimumin por vetë nuk do të kandidoj për deputet por do jetë dikush tjetër.

Unë do jem në zonën e Kurbinit sepse aty kam njohje, në Lezhë nuk kam asnjë të njohur?, tha Gjetan Gjetani për CNA.al.

Por kjo deklaratë e tij vë në pikëpyetje se cila është arsyeja që ai ka vendosur mos të kandidoj për deputet nga LSI, kur do e mbështesë këtë forcë politike?

Mos ndoshta ka humbur mbështetjen në Kurbin pas distancimit nga PS? Por tashmë priten zgjedhjet e 25 prillit për të parë nëse Gjetani do të ndryshojë mendim apo jo./CNA.al