web counter
LEXO PA REKLAMA!

SHKARKO APP

App Store
Google Play

“Rama të dënohet për grusht shteti”/ Berisha i bindur: Ngjarja e 21 janarit do zbardhet

21 Janar 2021, 20:33, Politikë CNA

Ish kryeministri Sali Berisha shprehu bindjen se ngjarja e 21 janarit 2011 do të zbardhet dhe përgjegjësit do të shkojnë para drejtësisë.

Në një intervistë për ?Syri Tv?, Berisha u shpreh se Edi Rama duhet të dënohet për grushtin e shtetit që bëri 10 vite më parë dhe shkeljen e Kushtetutës.

Sipas tij, njëri nga viktimat ishte brenda perimetrit të ndaluar, ndërsa për tre viktimat e tjerë Berisha tha se nuk kishte informacion.

?Katër viktimat janë dëshmorë të puçit të Edi Ramës. Kam shprehur nga ora 7 ku kam dalë në konferencë shtypi dhe u kam shprehur ngushëllime familjarëve dhe hetim të plotë për viktimat. Por që unë të pranoj përpjekjen për të marrë pushtetin me dhunë nuk e bëj asnjëherë.

Edi Rama i përdor ata për mburojë për vete. Rama për grushtin e shtetit dhe shkeljen e kushtetutës meriton dënim të përjetshëm. Njëri është goditur brenda rrethimit, për të tjerët nuk kam informacione. Ata të cilët lejuan puçin e tyre po hetohen. Ajo ngjarje jam i bindur që do zbardhet sepse ka shumë indicie që kishte bashkëpunëtor mes policisë.

Unë di që për një pjesë të madhe të shqiptarëve ishte një përpjekje për të marrë pushtetin me dhunë, per pjesën tjetër nuk di gjë. Komandatin e grupit të zjarrit e kanë zgjedhur kryetar. Unë di edhe që janë bërë hetime. Kaq di unë?, tha Berisha./CNA.al





Lajmet e fundit nga