Takaj: Skënderbeu nuk bie, në janar do ketë ndryshime

29 Dhjetor 2020, 13:15, Sport CNA

Skënderbeu është duke kaluar një moment tepër të vështirë dhe delikat në këtë sezon. Korçarët ndodhen në vendin e parafundit në renditje dhe mbi të gjitha vuajnë mungesën e pikëve.

Aq më tepër që në kushtet ku ndodhen, ndeshja ndaj Bylisit në shtëpi shihet si një finale për bardhekuqtë që vetëm fitorja mund të ngrejë moralin e korçarëve dhe të mbajë të hapur shpresat për të shpëtuar sezonin, edhe pse jemi ende në fillim të fazës së dytë.
Në kushte të tilla dora e presidentit është ajo që mund të nxjerrë Skënderbeun nga kjo situatë dhe Takaj pas një pritjeje relativisht të gjatë është gati të reagojë.

I kontaktuar nga ?Panorama Sport?, numri një i klubit bardhekuq disi i larguar nga ekipi, për shkak të problemeve shëndetësore ashtu si pjesa më e madhe e shqiptarëve, thekson se Skënderbeu do të rikthehet ndaj edhe për këtë premton ndryshime të shumta në ekip.

?Në kushtet në të cilat ndodhemi, jemi të mërzitur normalisht pasi ky nuk është Skënderbeu që ne duam dhe njohim. Jemi në një moment të vështirë në këtë sezon pasi pritshmëritë tona janë zhbërë me kalimin e javëve.

Ekipi ka pësuar goditje të njëpasnjëshme dhe normalisht mungesa e lojtarëve kryesorë ka bërë që të çalojmë. Por të jeni të bindur se gjërat do të ndryshojnë shumë shpejt. Ky nuk është vendi i Skënderbeut dhe të ishte për këtë pozicion nuk kishim pse luftonim fare.

Skënderbeu meriton të jetë lart dhe këtë do të përpiqemi të bëjmë, të sjellim ekipin në pozicion të qetë dhe mbi të gjitha të rikthejmë buzëqeshjen për të gjithë ata që e duan me shpirt këtë klub?, theksoi fillimisht Ardjan Takaj.
skenderbeu teuta

NDRYSHIMET ? Më pas, presidenti u ndal edhe te ndryshimet dhe te reagimi që do të ketë pas një periudhë të tillë aspak të mirë. Për Takajn, shumë prej lojtarëve kanë qenë jashtë pritshmërive dhe kjo do të sjellë largime në masë në kampin bardhekuq. Largime që më pas do të plotësohen nga një merkato e fortë dhe e mirëstudiuar, për vetë faktin se në janar vështirësia është e madhe.

?Nëse sheh me qetësi ekipin, mund të dalësh në konkluzion se paraqitja e disa prej lojtarëve që ne i kemi marrë me perspektivë, nuk ka qenë ajo e duhura. Plus kësaj, kemi pasur edhe probleme të theksuara në prapavijë për shkak të dëmtimeve të shumta dhe mungesës së madhe të Shalës. Kjo sjell si pasojë domosdoshmërinë për të hyrë në merkato. Do të ndërhyjmë fort për të forcuar ekipin me lojtarë që kanë eksperiencë dhe mund të mbajnë peshë në skuadër.

Por normalisht kjo do të pasohet edhe me largime. Nuk mund të mbajmë një ekip të fryrë me element që nuk dinë rëndësinë e fanellës që mbajnë të veshur. Për momentin, kjo është situata. Presim Shalën dhe mbrojtësin ganez në datën 3 janar dhe më pas do të fillojmë të bëjmë bilancin se ku ekipi do të ndryshojë. Do të ndërhyjmë fort për këtë të jeni të bindur?, garantoi presidenti për sa i përket merkatos.