web counter
LEXO PA REKLAMA!

SHKARKO APP

App Store
Google Play

Armando Sadiku në rënie të lirë, turqit janë të pakënaqur

29 Dhjetor 2020, 07:33, Sport CNA

Pritej të ishte një nga transferimet më të rëndësishme të merkatos së verës, por kalimi i Armando Sadikut nga futbolli spanjoll në atë turk nuk ka shkuar siç shpresonte futbollisti i përfaqësueses shqiptare. Lojtari iu bashkua Erzurumspor me shpresën që të bëhej menjëherë protagonist në Superligën turke.

Por pas pjesës së pare të sezonit, Sadiku thuajse nuk ka lënë gjurmë në Turqi, pasi ende nuk ka gjetur rrugën e rrjetës dhe po aktivizohet me pikatore meqë është larg formës që pritej nga ai. Sadiku vuajti fillimisht një dëmtim në fazën përgatitore, pasi iu bashkua me vonesë klubit e kjo ndikoi më pas në formën e tij në ndeshje duke përfunduar shpesh në stolin e rezervave apo pa arritur të mbyllë një ndeshje nga fillimi deri në fund.

Në artikujt e mediave turke për pjesën e parë të sezonit, një nga arsyet pse Erzurumspor gjendet në zonën e ftohtë të klasifikimit, rreshtohet edhe dështimi deri tani i merkatos së verës ku Sadiku ishte një prej prurjeve kryesore. Një sinjal i qartë për futbollistin shqiptar se duhet të fillojë shpejt të lërë shenjë në këtë eksperiencë të re, pasi përndryshe do të jetë një dështim që do ta detyrojë të bëjë hap mbrapa në këtë moment të karrierës ë tij.





Lajmet e fundit nga