web counter
LEXO PA REKLAMA!

SHKARKO APP

App Store
Google Play

Miqësoret e luksit/ Veteranët e Tiranës, Partizanit dhe Dinamos zbresin në fushë

28 Dhjetor 2020, 12:53, Sport CNA

Është zhvilluar ditën e sotme në ambientet e kompleksit ?Football Republic? një triangolare mes legjendave të Tiranës, Partizanit dhe atyre të Dinamos. Një aktivitet për të gjithë nostalgjikët teksa në fund ata që kanë triumfuar kanë qenë legjendat bardheblu, të udhëhequra nga Nallbani, Patushi, Bulku, Devi Muka apo Migen Memelli.

Si fillim ndeshja e parë ishte mes legjendave të Dinamos dhe Partizanit, teksa 45 minutat përfunduan në barazim 1-1, ku për të kuqtë shënoi Erjon Bogdani, ndërsa për dinamovitët barazoi Ferraj. Ndërkohë, nga pika e bardhë e penalltisë, Partizani fitoi me rezultatin 10-9. Sakaq, edhe më spektakolare ishte ndeshja mes Dinamos dhe Tiranës. Blutë e nisën në mënyrën më të mirë të mudshme duke gjetur dy golat e parë me anë të Ferraj dhe Redi Jupit, teksa Tirana reagoi falë Patushit dhe Bulkut. Edhe ky takim në këtë formë shkoi te penalltitë, teksa Dinamo fitoi me rezultatin 6-4.

Në fund, ishte rezervuar përplasja mes legjendave të Tiranës dhe atyre të Partizanit, ku fitues dolën bardheblutë me rezultatin e thellë 4-1. Tirana e nisi ndeshjen me gol të Markoçit, ndërsa më pas ishte një shou personal i Migen Memellit që realizoi tre gola, i cili tregoi se instikti vrasës është ende aty. Ndërkaq, për Partizanin shënoi Orges Shehi nga pika e bardhë e penalltisë. /VipSport.al/

Renditja:

Tirana-4 pikë

Partizani-3 pikë

Dinamo-3 pikë

Tirana-Partizani 4-1





Lajmet e fundit nga