Shfryrja e dosjes së bujshme nga SPAK-u në Shkodër/ Gjyqtari i çështjes Bajri, në “mjerim”

28 Dhjetor 2020, 11:10, Vetingu CNA

Komisioni i Pavarur i Kualifikimit ka nisur procesin e rivlerësimin për gjyqtarin Sokol Shehu.

Ky i fundit karrierën si gjyqtar e ka nisur në Faktin e Tiranës dhe është transferuar më pas në Gjykatën e Shkodrës. Shehu është nga gjyqtarët që kanë pasur në duar çështjen e famshme Bajri që ka lidhje me operacionin që u trumbetua si një goditje e suksesshme kundër krimit të organizuar nga Shqipëri nga kreu i

Policisë së Shtetit, Ardi Veliu dhe nga ish-drejtuesja e Prokurorisë së Krimeve të Rënda, Donika Prela.
Dosja fillimisht u dërgua në SPAK me akuzën e grupit të strukturuar kriminal, por provat u dukën të pamjaftueshme dhe pas një ping-pongu juridik, dosja përfundoi në Shkodër.

Kjo dosje që ka kaluar në duart e gjyqtarit Sokol Shehu, tashmë ka epilog, pas nëntë shtetasit nën akuzë janë dënuar, por gjashtë prej nuk do të bëjnë burg, pasi e kanë kryer gjatë kohës së paraburgimit.

Thënë më qartë dosja e shumëpërfolur pas u shfry nga SPAK-u, të njëjtin fat pati edhe në Gjykatën e Shkodrës.
Nuk dihet nëse dosja Bajri do të shqyrtohet nga Vettingu, në kuadër të rivlerësimit të gjyqtarit Shehu.
Sa i përket pasurisë, të ardhurat e gjyqtarit Shehu burojnë nga paga e tij dhe paga e bashkëshortes.
Sipas të dhënave të ILDKPKI-së, rezulton se gjyqtari Shehu nuk ka shtëpi. Nuk dihet ku banon, pasi të deklaruar nuk ka asnjë apartament në përdorim, që do të thotë me qira.
E vetmja pasuri e tij është një automjet Daimler Chrysler me vlerë 1500 euro, pasi shkatërrimit nga aksidenti i automjetit të mëparshëm Mercedez Benz.

Më poshtë po sjellim pasurinë e deklaruar nga gjyqtari Sokol Shehu.

Viti 2011 (Deklarata fillestare)
Autoveturë, Volsvagen blerë në 2009 me vlerë 5 000 euro.
Të ardhura nga bursa në Shkollën e Magjitsraturës, 42 600 lekë.

Viti 2012
Të ardhura të subjektit deklarues si gjyqtar në Tiranë, 67 500 lekë.
Viti 2012
Të ardhura të subjektit deklarues si gjyqtar në Tiranë, 819 469 lekë.
Viti 2013
Të ardhura të subjektit deklarues si gjyqtar në Tiranë, 807 290 lekë.
Viti 2014
Kursime kesh, 200 000 lekë.
Të ardhura të subjektit deklarues si gjyqtar në Tiranë, 125 718 lekë dhe në Shkodër 1 051 537 lekë.
Viti 2015
Kursime kesh, 250 000 lekë.
Shitur Volvagen Polo, 250 000 lekë.
Blerë Mercedez Benz, C Class, 200 000 lekë.
Të ardhura të subjektit deklarues si gjyqtar në Shkodër 1 110 094 lekë.
Kursime kesh të bashkëshortes, 100 000 lekë.
Të ardhura të bashkëshortes nga paga si sekretare, koordinatorë në një spital privat, 392 030 lekë dhe raporti i lindjes 178 377 lekë.
Viti 2016
Kursime kesh, 200 000 lekë.
Gjendja e llogarisë së subjektit deklarues, 141 94 lekë.
Të ardhura të subjektit deklarues si gjyqtar në Shkodër 1 021 548 lekë.
Gjendja e llogarisë së bashkëshortes, 332 49 lekë.
Të ardhura të bashkëshortes nga paga si sekretare, koordinatorë në një spital privat, 190 892 lekë dhe raporti i lindjes 221 203 lekë.
Viti 2017
Të ardhura të subjektit deklarues si gjyqtar në Shkodër 997 197 lekë.
Të ardhura të bashkëshortes nga paga si sekretare, koordinatorë në një spital privat, 573 805 lekë.
Viti 2018
Automjeti Mercedez Benz, i shkatërruar nga një aksident.
Blerë automjet Daimler Chrysler, 1500 euro.
Të ardhura nga dëmshpërblimi për aksidentin, 185 421 lekë.
Të ardhura të subjektit deklarues si gjyqtar në Shkodër 985 842 lekë.
Të ardhura të bashkëshortes nga paga si sekretare, koordinatorë në një spital privat, 566 373 lekë./CNA.al