web counter
LEXO PA REKLAMA!

SHKARKO APP

App Store
Google Play

E fundit!

x

Dosja 184, SPAK “shpëtoi” Qeverinë/ Prokurorja që dyshohet se mbajti të njëjtën linjë

24 Dhjetor 2020, 10:18, Vetingu CNA

Pothuajse menjëherë pas përfundimit të hetimeve të ?dosjes 184?, Komisioni i Pavarur i Kualifikimit ka vënë nën hetim prokuren Belinda Kryemadhi.
Rastësi apo jo prokurorja Kryemadhi tashmë duhet të justifikojë veten si profesionalisht ashtu edhe në aspektin e pasurisë.

Kryemadhi, ishtë një nga prokurorët, që i dha epilogun dosjes 184, të cilës SPAK-u nuk i doli për zot. Tashmë kanë përfunduar hetimet për sa i përket akuzave për ndikime dhe manipulime të zgjedhjeve lokale të vitit 2016 dhe janë dërguar për gjykim vetëm katër nga rreth dhjetë të akuzuarit.

Kryemadhi ka firmosur për të dërguar në gjyq Robert Agën, ish-shef komisariati Dibër, Drini Gjeçin, ish-drejtor i arsimit Dibër, akuzuar edhe për kanosje të zgjedhësve, Nuri Medan, ish-zyrtar i njësisë administrative Tomin si dhe Hasan Hotin, ish-zyrtar të njësisë administrative Lurë, akuzuar edhe për kanosje të zgjedhësve.

Ndërsa për Dionis Imerajn, kryetar aktual i Bashkisë Dibër, Imer Lalën sipërmarrës, Arben Keshin, ish-zyrtar i ministrisë së Brendshme dhe Bekim Krashin, ish-zyrtar i Operatorit të Sistemit të Shpërndarjes së Energjisë Elektrike, prokurorja ka vendosur të mbyllë hetimet.

Pasi lajmit se prokuroria e Dibrës pushoi hetimin për ?Dosjen 184?, Partia Demokratike menjëhere është vënë në levizje per ankimimin e ketij vendimi. Opozita i ka kërkuar organit të akuzës dosjen e plotë dhe vendimin e saj për këtë çështje. Kujtojmë se që kur dosja 184 është transferuar në Dibër, opozita ka këmbëngulur se po lihet në duart e prokurorëve të Rilindjes.

Prokurorja Belina Kryemadhi dhe kolegu i saj që kanë pasur dosjen në duar, kanë qëndruar larg Damian Gjiknurit, ish-ministër i Infrastrukturës dhe Energjitikës, Pjerin Ndreut, ish-deputet i PS-së, aktualisht kryetar i Bashkisë Lezhë, deputeti socialist Xhemal Qefalia dhe deputetit Ulsi Manja. Zyrtarë këta që dolën në bisedat e përgjuara.

Me lënien jashtë hetimit të këtyre zyrtarëve, duket se dosja 184, është dërguar në Gjykatë, sa për të thënë se ka kaluar në duart e drejtësisë.

Kjo është dosja e cila përmend profesionalisht prokuroren Belina Kryemadhi, e cila pas hetimeve, pritet të japë llogari në Vetting.
Sa i përket pasurisë, rezulton se të ardhurat e prokurores Belina Kryemadhi, burojnë nga paga e saj dhe e bashkëshortit, i cili ka mbajtur poste drejtuese në të gjitha pushtetet.

Në kohën që po udhëheq Partia Socialiste, bashkëshorti i prokurores, Belina Kryemadhi punon si drejtor i Menazhimit të Burimeve Njerëzore në Këshillin e Qarkut Dibër.

Në pushtetin e PD-LSI, ka qenë Drejtor i Arsimit Rajonal të Qarkut-Dibër dhe Drejtor i Doganës Bllatë-Dibër,,ndërsa në vitet 2007-2011, ka qenë Kryetar i Këshillit Bashkiak-Dibër

Viti 2008 (Deklarata fillestare)
Të ardhura kesh 400 000 lekë.
Të ardhura të subjektit deklarues nga paga si juriste në Qarkun Dibër, 287 455 lekë.
Të ardhura nga paga e bashkëshortit si Drejtor i Drejtorisë Rajonale, Dibër, 460 680 lekë.
Të ardhura nga paga e bashkëshortit si kryetar i Këshillit Bashkiak në Peshkopi, 51 800 lekë.

Viti 2008 (Deklarata vjetore)
Të ardhura kesh, 200 000 lekë.
Të ardhura të subjektit deklarues nga paga si prokurore në Dibër, 435 000 lekë.
Të ardhura nga paga e bashkëshortit si Drejtor i Drejtorisë Rajonale, Dibër, 353 920 lekë.
Të ardhura nga paga e bashkëshortit si kryetar i Këshillit Bashkiak në Peshkopi, 37 000 lekë.

Viti 2009
Të ardhura kesh, 400 000 lekë.
Të ardhura të subjektit deklarues nga paga si prokurore në Dibër, 794 397 84 lekë.
Të ardhura nga paga e bashkëshortit si Drejtor i Drejtorisë Rajonale, Dibër, 994 490 lekë.
Të ardhura nga paga e bashkëshortit si kryetar i Këshillit Bashkiak në Peshkopi, 88 800 lekë.

Viti 2010
Të ardhura kesh, 600 000 lekë.
Autoveturë mercedez Benz, me vlerë 125 000 lekë.
Të ardhura të subjektit deklarues nga paga si prokurore në Dibër, 936 238 lekë.
Të ardhura nga paga e bashkëshortit si Drejtor i Drejtorisë Rajonale, Dibër dhe si kryetar I deges së Doganës Bllatë 1 138 680 lekë.
Të ardhura nga shpërblimi i bashkëshortit si kryetar i Këshillit Bashkiak në Peshkopi, 88 800 lekë.

Viti 2011
Shtuar, të ardhura kesh, 300 000 lekë.
Të ardhura të subjektit deklarues nga paga si prokurore në Dibër, 1 105 402 lekë.
Të ardhura nga paga e bashkëshortit si kryetar I deges së Doganës Bllatë 1 025 588 lekë.
Të ardhura nga shpërblimi i bashkëshortit si kryetar i Këshillit Bashkiak në Peshkopi, 37 000 lekë.

Viti 2012
Kursime 200 000 lekë.
Të ardhura të subjektit deklarues nga paga si prokurore në Dibër, 1 073 242 lekë.
Të ardhura nga paga e bashkëshortit si kryetar I deges së Doganës Bllatë 1 036 568 lekë.

Viti 2013
Kursime 200 000 lekë.
Të ardhura të subjektit deklarues nga paga si prokurore në Dibër, 1 026 974 lekë.
Të ardhura nga paga e bashkëshortit si kryetar I deges së Doganës Bllatë 833 300 lekë.

Viti 2014
Të ardhura të subjektit deklarues nga paga si prokurore në Dibër, 1 247 667 lekë.
Të ardhura nga paga e bashkëshortit 699 328 lekë.

Viti 2015
Kursime 200 000 lekë.
Të ardhura të subjektit deklarues nga paga si prokurore në Dibër, 1 161 085 lekë.
Të ardhura nga paga e bashkëshortit 682 484 lekë.
Të ardhura të përfituara nga bashkëshorti me vendim gjykate, 287 900 lekë.

Viti 2016
Kursime 200 000 lekë.
Të ardhura të subjektit deklarues nga paga si prokurore në Dibër, 1 257 432 lekë.
Të ardhura nga paga e bashkëshortit në admin istratën e Këhsillit të Qarkut, Dibër, 841 804 lekë.

Viti 2017
Kursime 200 000 lekë.
Të ardhura të subjektit deklarues nga paga si prokurore në Dibër, 1 389 633 lekë.
Të ardhura nga paga e bashkëshortit në admin istratën e Këhsillit të Qarkut, Dibër, 951 039 lekë.

Viti 2018
Depozitë bankare, 181 304 27 lekë.
Të ardhura të subjektit deklarues nga paga si prokurore në Dibër, 1 483 408 lekë.
Të ardhura nga paga e bashkëshortit në admin istratën e Këhsillit të Qarkut, Dibër, 956 400 lekë.
Overdraft 100 000 lekë./CNA.al





Lajmet e fundit nga