E fundit!

11:46 Aktualitet

Balla, pyetje publike protestuesve

Kreu i grupit parlamentar të PS, Taulant Balla iu është dr...

Nga përplasja në Vetting për pasurinë tek akuzat ndaj Tatimeve/ Altin Binaj drejt Gjykatës Kushtetuese

15 Dhjetor 2020, 12:44, Vetingu CNA

Këshilli i Emërimeve në Drejtësi, KED, i ka dërguar Kuvendit raportin dhe pikëzimin për kandidatin e vetëm Altin Binaj, për vakancën në Gjykatën Kushtetuese.

Ky hap i KED-së,ka ardhur pas ultimatumeve të vazhdueshme nga ambasadorja amerikane Yuri Kim, për vënien në funksionim të Gjykatës Kushtetuese. Tashmë topi është në duar të Kuvendit, i cili duhet të vendosë për kandidatin Binaj, pas dy vitesh shpallje e rishpallje gare nga KED.

Kandidati Altin Binaj e ka nisur karrierën në institucionin e Prokurorisë në Shqipëri në mesin e viteve ?90. Ai ka mbajtur postin e zv.drejtuesit të Prokurorisë së Vlorës si dhe ka drejtuar prokuroritë e Fierit dhe të Durrësit gjatë viteve 2008-2013. Në vitin 2013, është emëruar në Prokurorinë e Përgjithshme, në krye të Drejtorisë së hetimit të korrupsionit.

Dhe nga viti 2016 e këtej, Binaj ka drejtuar Prokurorinë e Apelit të Vlorës. Kujtomë se Binaj e ka kaluar Vettingun në mes debatesh me Komisionin e Pavarur të Kualifikimit.

Përplasjet në KPK për pasurinë
Altin Binaj, drejtuesi i Prokurorisë së Apelit të Vlorës ka dalë para Vettingut, me 21 Janar 2019.
Sipas KPK, që përbëhej nga trupi gjykues Xhensila Pine, Pamela Qirko dhe Genta Tafa (Bungo) Binaj u gjet me mungesë të ardhurash për vitet 2008, 2011 dhe 2013.

Por, gjatë seancës Binaj i ka kundërshtuar gjetjet e KPK dhe ka kërkuar të konfirmohej në detyrë.
KPK, kishte radhitur në problemet tek kriteri i pasurisë, një pagesë 15 mijë euro për zyrën e avokatisë së bashkëshortes, gjithashtu dhe një pagesë pre 600 mijë lekësh për arredimin e një shtëpie në Orikum.
Sipas Binajt, ajo që rezultonte si pamjaftueshmëri e tij, ishte për shkak të raporteve të pasakta nga Drejtoria e Tatimeve.

Në këto rrethana Binaj hodhi akuza ndaj Drejtorisë së Tatimeve për raportet kontradiktore të nxjerra për të. Ai deklaroi e 15 mijë eurot të investuara për zyrën e avokatisë së bashkëshortes ishin nga kursimet e punës së tij dhe të bashkëshortes si avokate.

Ndërsa për arredimin e shtëpisë prokurori u shpreh e kishte një keqkuptim nga ana e Komisionit , pasi sipas tij ai nuk kishte deklaruar se i ka shpenzuar në një vit shumën prej 600 mijë lekësh por për disa vite me radhë sipas nevojave të shtëpisë.

Parësisht dyshimeve për pamjaftueshmëri të pasurisë të ngritura gjatë seancës dëgjimore me 21 janar, Komisioni i Pavarur i Kualifikimit, KPK, vendosi konfirmimin në detyrë të drejtuesit të Prokurorisë së Apelit Vlorë, Altin Binaj./CNA.al

Me shtëpi pushimi në Orikum dhe makinë mijëra euro / Zbardhet pasuria e Altin Binajt