E fundit!

08:01 Kosova & Bota

Çfarë është stresi ekstrem i nxehtësisë?/ Brenda fenomenit vdekjeprurës që po përhapet në të gjithë Evropën

Sipas një studimi të ri të madh, disa pjesë të Evropës po ...

"Kushtetuesja u bllokua nga mazhoranca"/ Meta: Shqiptarët s'duhet të besojnë askënd, përfshirë dhe mua

28 Dhjetor 2020, 21:38, Politikë CNA

Presidenti Ilir Meta foli për emërimet në gjykatën Kushtetuese dhe funskionimin e saj, pasi emëroi sot si anëtare të gjashtë të Kushtetueses Sonila Bejtjan.

Meta tha se është përpjekur gjithmonë të jetë sa më i shpejtë, në përmbushjen e detyrimeve kushtetuese, kur janë ndjekur procedurat në respekt të Kushtetutës.

?Problemet kanë qenë gjithmonë kur mazhoranca ka tentuar për të rrëmbyer kompetencat kushtetuese të Presidentit, në atë mënyrë që e keni vënë re në të kaluarën. Presidenti gjithmonë ka qenë për të vënë në lëvizje KED-në, prej tre apo katër vjetësh, për të plotësuar këto vakanca. Dihet që KED-ja u bllokua, për disa vite nga mazhoranca dhe askush tjetër, sepse donte që vendi të mbetej pa Gjykatë Kushtetuese?, u shpreh ai në Vizion Plus.

Teksa u pyet për zgjehdjet e 30 qershorit, Kreu i Shtetit kërkoi sërish shqyrtimin e tyre nga Gjykata Kushtetuese.

?Kjo është një çështje që i mbetet Gjykatës në të ardhmen. Për mua kjo është një çështje e qartë dhe e zgjidhur, mjafton raporti i zonjës Audrey Glover, për të kuptuar ilegjitimitetin e këtij procesi?, theksoi presidenti.

?Qytetarët shqiptarë nuk duhet të besojnë askënd, përfshirë dhe Presidentin e Republikës, por, duhet të ndjekin, të monitorojnë, çdo akt, çdo sjellje, çdo vendim. Kjo vlen edhe për Gjykatën Kushtetueses, kjo vlen edhe për institucionet e tjera të drejtësisë.

Ajo që unë mund t?ju them me bindje të plotë është, që nuk besoj se institucionet e drejtësisë, do mund të funksionojnë në një mënyrë të besueshme dhe të jenë plotësisht efektive, dhe të pavarura jashtë kësaj trysnie të jashtëzakonshme politike dhe partiake.

Sidomos, kur ushtrohet në kohën që kemi një Kuvend njëpartiak, dhe kur në tërësi të gjithë institucionet e shtetit janë të kontrolluara nga një parti e vetme. Është e vështirë të presim në një trysni të tillë një funksionim efektiv, të besueshëm, dhe të pavarur edhe tek institucionet e drejtësisë?, vijoi më tej Meta./ CNA.al