web counter
LEXO PA REKLAMA!

SHKARKO APP

App Store
Google Play

Çështja e detit me Greqinë/ Rama reagon pas deklaratës së Metës, tregon çfarë është arritur me shtetin fqinj

28 Dhjetor 2020, 16:49, Politikë CNA

Kryeministri Edi Rama ka reaguar pas deklaratës së presidentit Ilir Meta për çështjen e detit Jon me Greqinë.

Përmes një postimi në Tëitter, Rama shkruan se Shqipëria dhe Greqia nuk kanë arritur deri tani asnjë marrëveshje, duke akuzuar presidentin se po kërkon të përfitojë politikisht nga kjo çështje me ndjeshmëri të lartë në favor të parisë së tij.

?Ilir Meta mirëkuptuaka ndjeshmërinë e qytetarëve mbi vendimin e autoriteteve greke për të ushtruar të Drejtën Ndërkombëtare të Detit për Greqinë dhe pasojat e mundshme që mund të paskërka ky vendim për vendin tonë! Në fakt jo, Ilir Meta vazhdon kërkon shesh për përsheshin e LSI! Vetëm të paudhët si Saliu e si Iliri dhe ndjekësit e tyre me Lulin e me Monikën në krye, mund të kërkojnë shesh për përshesh deri në det, ndërkohë që e vërteta është e qartë si drita e diellit: Shqipëria dhe Greqia nuk kanë arritur asnjë marrëveshje e prandaj do shkojnë në gjyq! Vendimi në fjalë i Greqisë s’ka lidhje me zonën e kontestuar mes dy vendeve tona, sepse në atë zonë parimi i 12 miljeve është thjesht fizikisht i pamundur sipas Konventës aty ku ky parim nuk është e mundur të zbatohet, ose bëhet marrëveshje ose shkohet në gjykatë! Ja kështu Like”, shkruan Rama./CNA.al





Lajmet e fundit nga