web counter
LEXO PA REKLAMA!

SHKARKO APP

App Store
Google Play

E fundit!

x

PD e frikësuar nga protagonizmi i Metës?/ Grida Duma: Jemi parti e gjallimit të brendshëm

28 Dhjetor 2020, 10:18, Politikë CNA

Ish-deputetja e Partisë Demokratike, Grida Duma  në një intertvistë për gazetën Sot, është pyetur nëse PD ndjehet e frikësuar nga pratagonizmi IiPresidentit Meta, i cili kohët e fundit është rreshtuar kundër qeverisë.

Për Dumën Meta nuk po kërkon protagonizëm individual, por balancë institucionale. Në kushtet kur opozita vepron jashtë Parlamentit institucioni i Presidentit të Republikës mbetet i vetmi që mund të balancojë pushtetet shton ajo.

“Partia Demokratike është forca politike që përgjatë 30 viteve ka ditur të përbashkojë shtresa, ide dhe identitetet më të ndryshme në shoqërinë shqiptare. Është parti e protagonizmave të spikatur e individëve të spikatur dhe e gjallimit të brendshëm mes shumë diversiteteve. Presidenti Ilir Meta në gjykimin tim nuk po kërkon protagonizëm individual, por balancë institucionale. Megjithëse e kemi thënë shpesh që sot në kushtet që opozita vepron jashtë Parlamentit dhe institucioni i Presidentit të Republikës mbetet i vetmi që mund të balancojë pushtetet, kur edhe Gjykata Kushtetuese mungon, sërish nuk ka një marrje rolesh të tij tej tagrave të ligjit. Fakti që i është drejtuar disa herë Komisionit të Venecias është provë që po vepron jo i vetëm dhe për veten.”/CNA.al

 





Lajmet e fundit nga