web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi rendit arsyet/ Përse Shqipëria jeton në varfëri

27 Dhjetor 2020, 19:27, Politikë CNA

Kryetari i FRPD-së, Belind Këlliçi, ka ngritur të tjera akuza ndaj qeverisë dhe kryeministrit Edi Rama për situatën në vendin tonë.

Duke marrë shkas nga takimi i kryetarit të PD-së Lulzim Basha me studentët e Fakultetit Ekonomik të Tiranës dhe deklaratat e këtyre të fundit, Këlliçi gjen arsyet se përse Shqipëria jeton në varfëri.

Sipas tij, arsyet janë akumulimi i pushtetit ekonomik dhe politik në duart e një grushti individësh, përfitues të çdo konçensioni, kontrate, leje, liçence, tenderi.

Ai pretendon se me paratë e tyre të fituara pa konkurrencë, ky grusht individësh dikton ligje, kontrollon kuvendin, qeverinë dhe mediat.

?Përse Shqipëria, me një pozitë gjeografike të lakmueshme, e bekuar nga natyra me dy dete, me një nëntokë të pasur në minerale, me burime të panumërta ujore, me klimë të favorshme e me popullsi me mesatare moshe të re, jeton në varfëri?

Studentët e Fakultetit të Ekonomisë e kanë përgjigjen:

Akumulimi i pushtetit ekonomik dhe politik në duart e një grushti individësh, përfitues të çdo konçensioni, kontrate, leje, liçence, tenderi. Me paratë e tyre të fituara pa konkurrencë, diktojnë ligje, kontrollojnë kuvendin, qeverinë dhe mediat.

Pas 7 vitesh dështime, qeveria Rama mund të ofrojë vetëm dështime të tjera.

Përmes ligjit tonë anti-mafia, qeveria Basha e pas 25 prillit, do të kalojë në sitë të gjitha kontratat koncesionare dhe PPP-të. Synimi i ligjit anti-mafia është që këta njerëz që janë të përfshirë në kontrata korruptive, nuk do të mund të gëzojnë të ardhurat e përfituara padrejtësisht dhe këto të ardhura do të rikuperohen dhe do t?u kthehen qytetarëve.

Qeveria rriti taksat, çmimin e energjisë, tarifat e studimit, nuk hapi 300 mijë vende pune por detyroi afro 500 mijë shqiptarë të mërgojnë, mes tyre 140 mijë të rinj. Studentët vazhdojnë të paguajnë të njëjtat tarifa, të cilave u shtohen edhe kostot e mësimit online.

Ne do ta anulojmë ligjin korruptiv për arsimin e lartë dhe do të rikthejmë autonominë e universiteteve. Ne do të vendosim taksën e sheshtë 9%, për të thithur investitorë të huaj që hapin vende pune dhe për t?i dhënë mundësi biznesit të punojë dhe të gjenerojë të ardhura për të rritur pagat e punonjësve.

Ne do të mbështesim me politika fiskale dhe stimulojmë sipërmarrjet e të rinjve dhe bizneset që punësojnë të rinjtë. Ne do të mbulojmë 100% tarifat e studimit të studentëve nga familje me të ardhura nën 640 mijë lekë në muaj dhe 50% tarifat e atyre me të ardhura mbi 640 mijë lekë.

Të largojmë Ramën, jo të rinjtë! Të bashkohemi kundër largimit të rinisë dhe plakjes së vendit! Me të rinjtë, për të rinjtë, për Shqipërinë!?, shkruan ai në rrjetet sociale./ CNA.al





Lajmet e fundit nga