web counter
LEXO PA REKLAMA!

SHKARKO APP

App Store
Google Play

E fundit!

x

Altin Goxhaj infektohet me koronavirus/ Avokati flet për gjendjen shëndetësore

27 Dhjetor 2020, 21:57, Politikë CNA

Avokati Altin Goxhaj është infektuar me COVID 19.

Lajmin e ka bërë të ditur vetë avokati, i cili ka treguar se virusin po e kalon në një gjendje të moderuar. Goxhaj tregoi se dyshon se virusin e mori nga i ati, pasi të dy prindërit e tij kaluan koronavirusin.

?Sado që prindërit e mi u ruajtën, jetonin një jetë shumë korrekte me maska, distancë etj u infektuan. Kur vendos covidi të të zërë, të zë. Ata u infektuan dhe duke dërguar tim atë në spital e humba distancën me ndërgjegje. Po e kaloj në shtëpi me ushqime të mira, antibiotikë, lëng mishi etj?, u shpreh ai në një lidhje për Fax News.

Goxhaj deklaroi se Covid-19 është armë biologjike, që është shpikur nga Kina me liderët globalistë për të sulmuar presidentin e SHBA Donald Trump dhe liritë e të drejtat e njeriut.

?Kurrë nuk e kam thënë që nuk besoj. Që në mars kam bërë shkrimin e parë ku kam thënë që është armë biologjike, që është shpikur nga Kina me liderët globalistë për të sulmuar Trump dhe liritë e të drejtat e njeriut. Kam thënë që nuk ka asnjë rregull për të shmangur covid, por sigurisht që ekziston. Shumë njerëz kanë humbur jetën.

Nuk besoj as te maskat, as dorezat as te dezinfektimi, është një armë aq perfekte biologjike, por tashmë arma më e fortë është vaksina. Ajo është projektuar për vendosjen e diktaturës globale e shpikur në laboratorë amerikano liberalë të Kinës për të goditur rrugën e sovranizmit ku po e çonte Trumpi njerëzimin. Po këta globalistë kanë ndërmend të zhvendosin 1 miliard njerëz drejt Perëndimit?, theksoi avokati./ CNA.al





Lajmet e fundit nga