E fundit!

09:19 Denoncim

Financimi i kullës së Ervin Matës/ Plug: Mbi 28 milionë euro autofaturime për kompanitë e lidhura me Vilma Nushin

Pas denoncimit të parë, emisioni Plug ka vijuar sërish inv...

Çështja e detit/ Meta mesazh Ramës: Veprimet individuale dhe të nxituara nuk ndihmojnë

28 Dhjetor 2020, 20:50, Politikë CNA

Presidenti Ilir Meta ka folur sërish mbrëmjen e sotme për çështjen e detit me Greqinë.

Meta tha se kjo është një çështje mjaft komplekse, ndërsa theksoi se mbetet i palëkundur në përpjekje për një zgjidhje të qëndrueshme, që respekton Kushtetutën e Shqipërisë, vendimin e Gjykatës Kushtetuese, si dhe të Drejtën Ndërkombëtare.

?Për këtë çështje, kam bërë gjithmonë përpjekjet e mia më të mira, për të ndihmuar dhe për të bashkëpunuar me të gjitha institucionet në vend, në radhë të parë me Qeverinë.

Lidhur me aktin më të fundit, mund të them që po bëjmë punën tonë për t?u njohur me të dhe efektet që mund të ketë për të drejtat tona, për të cilat i garantoj të gjithë, që do bëj çdo përpjekje për t?i mbrojtur në mënyrën më të qartë, në respekt të Kushtetutës, sovranitetit dhe integritetit të Republikës së Shqipërisë, në mënyrë transparente dhe konstruktive?, u shpreh ai në Vizion Plus.

Teksa u pyet për qëndrimin e qeverisë shqiptare, Kreu i Shtetit deklaroi se qeveria ka qenë jo shumë e qartë dhe jo transparente.

?Për çdo përfaqësues të institucioneve shqiptare është e rëndësishme, që në sjelljen dhe qëndrimet publike të mbrojë gjithmonë interesat e vendit. Në këtë drejtim ka nevojë për shumë më tepër përgjegjshmëri dhe përmbajtje nga çdo aktor.

Jo vetëm Kushtetuta, por edhe vendimi i Gjykatës Kushtetuese, i ka bërë të qarta atributet e kompetencat për një çështje të tillë apo të ngjashme si kjo, të çdo aktori vendas në Republikën e Shqipërisë dhe askush nuk duhet të shkelë apo të tejkaloj përgjegjësit e tij.

Prej disa muajsh, kemi kërkuar vlerësim më të plotë zyrtarisht, për efektet apo pasojat, që mund të ketë një akt i tillë, si ky që sapo u bë publik pak ditë më parë. Të bëhet një vlerësim i qartë i të gjithë hapave, që do të ndërmerreshin nga institucionet e Republikës së Shqipërisë, për të mbrojtur interesin më të mirë të vendit tonë?, nënvizoi ai.

Presidenti deklaroi se deti është një çështje që do të kërkojë një angazhim dhe bashkëpunim të të gjithë aktorëve vendas, për të shkuar drejt një zgjidhje të qëndrueshme dhe të pakontestueshme, që i shërben dhe marrëdhënieve midis dy vendeve.

Sipas tij, veprimet individuale dhe të nxituara nuk ndihmojnë në zgjidhjen e kësaj çështje./ CNA.al