web counter
LEXO PA REKLAMA!

SHKARKO APP

App Store
Google Play

E fundit!

x

Çështja e detit/ Presidenca paralajmëron Ramën: Meta nuk do të tolerojë papërgjegjshmërinë shtetërore

28 Dhjetor 2020, 18:44, Politikë CNA

Kryeministri Edi Rama ngriti akuzat se presidenti Ilir Meta po kërkon të përfitojë politikisht nga kjo çështja e detit me Greqinë me ndjeshmëri të lartë në favor të parisë së tij.

Për këtë ka reaguar edhe zëdhënësi i Kreut të Shtetit, Tedi Blushi, i cili thotë se askush nuk duhet të ketë iluzionin se mund t’ju shmanget detyrimeve kushtetuese dhe zbatimit të ligjit në Shqipëri.

Blushi paralajmëron se Meta nuk do të tolerojë, as më të voglën shkelje të Kushtetutës, ligjit apo një papërgjegjshmëri shtetërore të çdo niveli, të qëllimshme ose jo dhe që cënon interesat kombëtare.

?Askush nuk duhet të ketë iluzionin se mund t’ju shmanget detyrimeve kushtetuese dhe zbatimit të ligjit në Shqipëri.

Sovraniteti dhe të drejtat sovrane të Shqipërisë janë të shenjta dhe askush nuk mund të guxojë t’i trajtojë si koncesionin apo tenderin e radhës.

Çdo institucion kushtetues i Shqipërisë, institucion shkencor apo shoqëria civile, duhet të jenë të angazhuara për mbrojtjen e interesave kombëtare, të patjetërsueshme.

Presidenti i Republikës, Sh.T.Z Ilir Meta nuk do të tolerojë, as më të voglën shkelje të Kushtetutës, ligjit apo një papërgjegjshmëri shtetërore të çdo niveli, të qëllimshme ose jo dhe që cënon interesat kombëtare. Shqipëria e para!?, shkruan ai në rrjetet sociale./ CNA.al





Lajmet e fundit nga