web counter
LEXO PA REKLAMA!

SHKARKO APP

App Store
Google Play

Shaland nuk e thërret në kombëtare, reagon Bernard Berisha

3 Tetor 2020, 13:17, Sport CNA

Futbollisti i Kosovës dhe Akhmat Groznit Bernard Berisha reagoi pasi nuk u ftua nga trajneri i përfaqësueses së Kosovës Bernard Shaland për ndeshjet e Ligës së Kombeve në muajin tetor.

Në një video të publikuar në rrjeten sociale, 29-vjeçari shprehet i mërzitur për mosthirrjen nga tekniku zviceran, por theksoi se e pranon vendimin e tij.

Në fund, ai I bëri thirrje publikut të mbështesë Kosovën në ndeshjen ?play-off? të Ligës së Kombeve ndaj Maqedonisë së Veriut, e cila luhet në 8 tetor. ?Dardanët? kanë mundësinë të sigurojnë pjesëmarrjen në EURO 2021 nëpërmjet rrugës së Ligës së Kombeve.

Berisha nuk u grumbullua nga trajneri Shaland pasi festoi në mënyrë demonstrative ndaj tij dhe kritikëve pas golit ndaj Greqisë në ndeshjen e fundit të Ligës së Kombeve. Edhe pse lojtari i Akhmat Groznit u shpreh pas ndeshjes se nuk kishte për qëllim të provokonte trajnerin, tekniku Shaland theksoi se nuk e toleron një sjellje të tillë. Berisha u kthye të luante te përfaqësuesja e Kosovës pas dy vitesh.

?Përshëndetje të gjithëve! Duke qenë se këto ditë është folur shumë për çështjen time, pata dëshirë të jap mendimin tim dhe të sqarohem për gjithçka. Unë dhe familja ime jemi të mërzitur shumë për mosmarrjen e ftesës nga Kosova.

E pranoj vendimin e trajnerit. Duke ditur që kemi një ndeshje shumë të rëndësishme ndaj Maqedonisë së Veriut, është një ndeshje me histori për shtetin e Kosovës. Ju bëj thirrje ta mbështesni ekipin e Kosovës, sepse ata djem kanë nevojë për mbështetjen tuaj dhe vetëm të bashkuar mund t?ia dalim. Forca Kosova!?, u shpreh Bernard Berisha.





Lajmet e fundit nga