web counter
LEXO PA REKLAMA!

SHKARKO APP

App Store
Google Play

Surprizon Edi Reja, trajneri italian ben revolucion në kombëtare

2 Tetor 2020, 17:29, Sport CNA

Fejesa e Odise Roshit në mes të grumbullimit të përfaqësueses shqiptare në muajin shtator, është kthyer në një problem të madh në radhët e kuqezinjve. Mesfushori, por edhe ata që u larguan nga hoteli për t?iu bashkuar futbollistit fierak, janë ndëshkuar nga Reja dhe nuk do të jenë të pranishëm në grumbullimin e kuqezinjve që fillon këtë javë.

Sipas ?Top Channel?, Reja ka vendosur të mos grumbullojë jo vetëm Roshin i cili gjithsesi është i dëmtuar pikërisht që nga ndeshja e fundit e kuqezinjve, por edhe Elseid Hysajn, Armando Sadikun, Bekim Balajn dhe Sokol Çikalleshin. Të katër këta lojtarë të tjerë janë ata që janë larguar nga hoteli i përfaqësueses pasi e shihnin të pamundur mungesën e tyre në fejesën e Roshit.

Një sjellje e cilësuar e papërshtatshme nga ana e trajnerit dhe stafit të FSHF, që kanë vendosur të ndëshkojnë lojtarët duke mos i grumbulluar për sfidat e javëve të ardhshme, miqësoren ndaj Armenisë dhe sfidat e Ligës së Kombeve ndaj Kazakistanit e Lituanisë. Hysaj gjithsesi do të kishte munguar në sfidën ndaj Kazakistanit, pasi është i pezulluar për shkak të kartonit të kuq që mori ndaj lituanezëve.

Në listë pritet të ketë shumë emra të rinj, mes të cilëve Molla, Kallaku, Doka e Mersinaj, ndërsa reparti i sulmit praktikisht do të përbehet nga emra futbollistësh të cilët pak kohë më parë luanin me Shpresat pasi të ftuar do të jenë Manaj, Çekiçi, Seferi, Broja e Vrioni.





Lajmet e fundit nga