web counter
LEXO PA REKLAMA!

SHKARKO APP

App Store
Google Play

"Bomba" e dytë e Kukësit, prezanton edhe Taipin

2 Tetor 2020, 19:49, Sport CNA

Kukësi ka siguruar sot një tjetër emër të rëndësishëm për Skënder Gegën, i cili ka parë të rindërtohet reparti ofensiv i ekipit që ishte shpërbërë pas largimeve të shumta. Pas Agim Ibraimit, klubi bëri të ditur pak minuta më parë se ka afruar edhe Gjelbrim Taipin, një mesfushor i njohur i cili ka luajtur me Shpresat kuqezi dhe me përfaqësuesen e Kosovës.

Taipi kthehet kështu përsëri nën urdhërat e Skënder Gegës, i cili e njeh mirë që nga periudha kur drejtonte Shqipërinë U21, pasi asokohe mesfushori ishte një titullar i paprekshëm në radhët e kuqezinjve të vegjël.

NJOFTIMI I KUKËSIT

Gjelbrim Taipi është zyrtarisht futbollist i Kukësit!

Futboll Klub Kukësi ka kënaqësinë që të njoftojë arritjen e marrëveshjes me mesfushorin Gjelbrim Taipi! Mesfushori nga Kosova ka firmosur sot kontratën dyvjeçare me skuadrën tonë duke u bërë zyrtarisht futbollisti ynë!

Taipi vjen si një vlerë e shtuar për mesfushën tonë. Me karrierën e tij të pasur në Superligën e Zvicrës, Taipi do të jetë një armë shtesë në rrugën drejt titullit kampion. Ai ka luajtur për shumë vite në kampionatin zviceran, duke qenë pjesë e elitës, teksa ka mbajtur veshur edhe fanellën e Shqipërisë U21 dhe Përfaqësueses së Kosovës!

Mesfushori 27-vjeçar ka vendosur të veshë fanellën me numrin 7! Ai do të bashkohet ditët në vijim në stërvitje me ekipin dhe do të nisë përgatitjet. Mirë se vjen Gjelbrim! Të priftë e mbara!





Lajmet e fundit nga