web counter
LEXO PA REKLAMA!

SHKARKO APP

App Store
Google Play

Dedikimi prekës i Rudina Hajdarit për të atin/ Do mundohem të eci në hapat e tua

12 Shtator 2020, 08:23, Aktualitet CNA

Kanë kaluar plot 22 vite që nga vdekja e tribunit të demokracisë në Shqipëri, Azem Hajdarit.

Deputeti 35-vjeçar Azem Hajdari, ish-udhëheqës i Lëvizjes Studentore të Dhjetorit 1990, që çoi në përmbysjen e regjimit komunist në Shqipëri dhe vendosjen e pluralizmit politik, u vra në 12 shtator të vitit 1998, në Tiranë.

Ai la pas dy fëmijë, ndër to edhe deputeten Rudiana Hajdari, e cila vendoi të ndiqte rrugën që i ait la në mes.

Me anë të një stausi në rrjete sociale, Hajdari ka treguar për mallin që ndjen dhe se fuqia e tij e motivon për të fituar.

?Babi, 22 vite pa ty pranë fizikisht jane shumë. Por ti je me mua përditë.

Je me mua kur zgjohem dhe shpesh e ndiej sikur me thua si dikur pasuria e gjithë botës është në duart e tua kur je njeri i lirë dhe i ndershëm. Je me mua kur luftoj, e ndiej fuqinë tënde që më motivon dhe më shtyn të fitoj.? shkruan Hajdari.

Sipas saj edhe pas 22 vitesh njerëzit e kujtojnë sikur ta kishin takuar dje dhe i premton atij që pavarësisht mallit do të ec në hapat që ai shtroi para shumë vitesh për të.

?Je me mua kur takoj mijëra shqiptarë të cilët ende sot mbas 22 vitesh të kujtojnë sikur të kishin takuar dje.Je me mua kur më jep forcën të ndjek rrugën tënde. Rrugën e drejtësisë, rrugën e lirisë, rrugën e njerëzve të lirë.Më ka marrë malli, por të ndiej përditë, sepse mundohem të eci në hapat e tua.

Në hapat e një njeriu që kurrë nuk e tregtoi lirinë.

Do eci, ta premtoj!? përfundoi Hajdari.

 

 





Lajmet e fundit nga