web counter
LEXO PA REKLAMA!

SHKARKO APP

App Store
Google Play

E fundit!

x

SHBA/ Shërbimi Postar në qendër të debateve

22 Gusht 2020, 14:51, Kosova & Bota CNA

Dhoma e Përfaqësuesve e Kongresit amerikan zhvillon sot një seancë emergjente të pazakontë, ku demokratët do të përpiqen të miratojnë një financim për Shërbimin Postar, ndërsa vendi përgatitet për një numër rekord votash me postë në zgjedhjet presidenciale të nëntorit për shkak të pandemisë.

Demokratët kërkojnë një financim shtesë prej 25 miliard dollarësh për Shërbimin Postar, si dhe anulimin e disa ndryshimeve të bëra në këtë shërbim.

Ndryshimet u vendosën nga kreu i postave Louis DeJoy, mbështetës i Presidentit Trump i cili thotë se masat ndihmojnë për të ulur kostot në Shërbimin Postar i cili është përballur me humbje të ardhurash vitet e fundit.

Zoti DeJoy u tha dje senatorëve se dërgimi i materialeve postare që lidhen me zgjedhjet do të ketë përparësi.

Shtëpia e Bardhë e ka kritikuar projekt-ligjin e propozuar nga demokratët, duke thënë se ai është një “reagim i tepruar ndaj njoftimeve sensacionale të mediave, të cilat kanë ngritur akuza të pabazuara se Shërbimi Postar i ka ndërmarrë reformat për të arritur objektiva politike.?

Projekt-ligji, i propozuar në Dhomën e Përfaqësuesve të kontrolluar nga Demokratët, nuk ka gjasa të merret në shqyrtim nga Senati ku kontrollin e kanë republikanët./VOA





Lajmet e fundit nga