web counter
LEXO PA REKLAMA!

SHKARKO APP

App Store
Google Play

Bomba që vrau 22 vetë në koncertin e Ariana Grandes/ Vëllai i autorit dënohet 55 vite burg

20 Gusht 2020, 21:15, Kosova & Bota CNA

Vëllai i autorit të bombës në Manchester Arena, ku këndonte Ariana  Grande, që i mori jetën 22 personave është dënuar nga gjykata me 55 vite burg.

Sipas mediave britanike, Hashem Abedi ndihmoi vëllanë e tij, Selman, për të planifikuar mizorinë e shkaktuar me 22 maj të 2017, që i mori jetën 22 personave, mes të cilëve gra, burra dhe fëmijë.

Në gjykata atij iu pohua se është po aq fajtor sa i vëllai i tij, i cili pa u menduar shumë shpërtheu bombën në fund të koncertit të Ariana Grandes, duke lënë të plagosur edhe qindra persona të tjerë.

Lajmi ka sjellë pak qetësi për shpirtat e familjarëve, të cilët gjithsesi thanë se nuk do jenë hakmarrës, por që krime të tilla shënojnë rrënjësisht jetët e tyre.

Para se të ndodhte shpërthimi i bombës Hashem Abedi, i lindur në Manchester, ishte larguar për në Libi. Gjithsesi ai u identifikua dhe më pas u bë i mundur ekstradimi i tij drejt Anglisë ku tani do të kryejë edhe dënimin. Në raste të tjera, nëse do të ishte një person me moshë më të madhe dhe jo 23 vjeç sa Abedi, do të ishte dënuar me burgim të përjetshëm, por ligji thotë se kur këto krime kryhen poshtë moshës 21 vjeç atëherë këto masa nuk mund të jepen.

Gjithsesi vëllai i autorit që trishtoi shumë familje nuk do të mund të dalë nga burgu pa kaluar 55 vite, pasi nuk ekziston opsioni për lirim me kusht në këtë rast.





Lajmet e fundit nga