web counter
LEXO PA REKLAMA!

SHKARKO APP

App Store
Google Play

Deklarata e Gjiknurit/ Vasili: Hajdutët e votave flasin në "emër" të popullit

26 Korrik 2020, 13:45, Politikë CNA

Anëtari i Këshillit Politik Petrit Vasili, ka reaguar pas deklaratës së Damian Gjiknurit për Reformën Zgjedhore.

Vasili i cilëson Gjiknurin dhe kryeministrin Edi Rama si hajdutë votash, ndërsa thotë se ndryshimi i njëanshëm i Kushtetutës nga Rama është vetëm në emër të krimit dhe kundër popullit.

Nënkryetari i LSI-së ka publikuar audio-përgjimin e Gjiknurit dhe thotë se shqiptarët nuk duhet ta harrojnë.

?Hajdutët e votave flasin në “emër” të popullit!? Rama dhe Gjiknuri, hajdutë të çertifikuar të votave të popullit me krimin e organizuar, kanë surrat dhe flasin gjoja në emër të tij. Ndryshimi i njëanshëm i Kushtetutës nga Rama është vetëm në emër të krimit dhe kundër popullit. Opozita kërkon listat e hapura 100% në emër të popullit. Koalicionin e shqiptarëve kundër Edi Ramës nuk e ndal e nuk dhe mund dot askush.

Rama në shtërzimet e humbjes po sillet pështirshëm si zvarranik politik. Shiheni videon se si hajdutët rilindas të votave, të njohur botërisht, i vënë vulën vjedhjes së votës me krimin në Dibër. Kujtojeni këtë video sa herë që këta hajdutë do të guxojnë të flasin për Reformën Zgjedhore dhe përbuzini dhe poshtërojini pa mëshirë ata dhe zorrat qorre përqark tyre. Kjo video është bërë publike nga Gazeta gjermane Bild dhe njihet aneë e mbanë botës. Shqiptarëve nuk u lejohet ta harrojnë?, shkruan ai. në rrjete sociale./ CNA.al





Lajmet e fundit nga