“Rama të “zgjohet”/ Ish-ministri i Shëndetësisë: Duhet kërkuar mbështetje ndërkombëtare

26 Korrik 2020, 07:45, Politikë CNA

Ish-ministri i Shëndetësisë Tritan Shehu, ka hedhur akuza ndaj kryeministrit Edi Rama për mënyrën se si po e menaxhon pandeminë e koronavirusit.

Në një postim në rrjetet sociale, Shehu thotë se Rama duhet të zgjohet e të kërkojë një mbështetje ndërkombëtare, pasi sipas tij nuk ka ditur ta menaxhojë situatën.

?Rama të ?zgjohet?, kriza shëndetësore imponon mbështetje ndërkombëtare! Si pasojë e keqmenaxhimit të pandemisë vendi është sot jo vetëm më keq se kurrë e me pasoja të rënda, por dhe pa strategji, me sistem shëndetësor të handikapuar, me mungesa strukturale e materiale, nën një pasiguri e perspektivë të ?zymtë? për muajtë që vijnë!

Në këto kushte kur Qeveria dështoi e nuk u tregua e aftë as për të mobilizuar mundësitë tona egzistuese, duhet minimalisht të kërkojë një mbështetje ndërkombëtare. Përballë një të sëmuri të vështirë ne përpiqemi të kërkojmë ndihmë të kualifikuar apo ta dërgojmë atë në një klinikë të avancuar. Tani që diskutohet për shëndetin e një populli është jashtë çdo logjike kjo letargji e Qeverisë dhe e Kryeminstrit, ndërsa dje bënte ?shoë?, shkruan ai.

Demokrati deklaron se Rama duhet të kërkojë nga ndërkombëtarët një asistencë të gjerë stabël, duke përfshirë këtu edhe Italinë.

?Këtu duhet të jemi të qartë, nuk është fjala për një listë me disa materiale të Ministrisë së Shëndetësisë drejtuar ndonjë ambasade, është fjala për një asistencë stabël e të gjerë që në pregatitjen e një strategjie për përballimin, të stabilizimit e më tej të daljes. Duhet gjithashtu një mbështetje me struktura të gatshme mjekësore, pajisje të avancuara, materiale konsumi e deri te specialistë, detyrë kjo e Qeverisë, që vazhdon si ?struci?. Pa dyshim këto kërkojnë edhe një kosto financiare nga shteti, që duhet e mund të përballohet pavarësisht krizës ekonomike.

Italia tashmë me gjendjen stabël që ka, arsenalin e madh në eksperiencë, struktura, pajisje e materiale të krijuara, me marrëdhëniet e shkëlqyera që kemi, është një mundesi e madhe, aktivizimi i së cilës kërkon që Qeveria e Kryeministri së paku tani të përmenden e ta kërkojë këtë publikisht, duke u angazhuar edhe për t?i krijuar konditat e transparencën e domosdoshme. Por pa përsëritur ?shakanë? e mëparshme, atë të menaxhimit tonë 10 herë më të mirë se Gjermania e 50 herë se Italia!!!?, nënvizon Shehu./ CNA.al