web counter
LEXO PA REKLAMA!

SHKARKO APP

App Store
Google Play

Mark Marku sulmon Hajdarin dhe Murrizin/ Po i shërbejnë aq shumë Ramës, sa po ndëshkojnë dhe veten

25 Korrik 2020, 16:33, Politikë CNA

Pedagogu Mark Marku, ka sulmuar pasditen e sotme opozitën parlamentare për pranimin e mandateve të deputetit pas djegies së tyre nga opozita e Lulzim Bashës.

Marku pretendon se nëse të gjithë opozitarët do të kishin djegur mandatet dhe deputetët e sotëm nuk do t?i kishin pranuar ato, sot do të kishim një parlament legjitim.

?Përvec nivelit të tyre të mjerueshëm intelektual, edhe pse askush nuk mund të përbuzet për shkak të padijes, apo se është injorant, por kur përfaqësojnë, duhet të kenë një nivel. Përvec kësaj pra, që janë në nivel mizerabël jo për faj të tyre, unë mendoj se nuk do të flitet më për ta pas një viti. Mbaj mend se ka qenë një deputet i PS më 1996, i vetmi që braktisi PS dhe kaloi me PD, u tallën ca kohë me të, u diskutua dhe kush është ai sot. Akti i tyre është jo në shërbim të demokracisë. Gjëja më normale do të ishte të mos shkonin në Parlament dhe t?i bënin presion PD, dhe kështu do të shkrihej Parlamenti dhe sot do të kishim një Parlament legjitim. Ata nuk e bënë këtë, por u bënë shërbëtorë të Ramës?, u shpreh ai në emisionin ?Kjo Javë?.

Pedagogu nuk u kursye as ndaj deputetëve Rudina Hajdarin dhe Myslim Murrizi, të cilit i quajti shërbëtorë të kryeministrit Edi Rama.

?Ata kërkojnë ngritjen e pragut, kur nëse do duan të vazhdojnë jetën politike, pikërisht kjo i shkatërron. Mendoni pra çfarë opozite janë ata. Nuk mund të pretendosh se Rudina Hajdari dhe Myslim Murrizi do fitojnë 12% të pragut. Ata janë deputetë me vetëdije aq shumë në shërbim të Ramës, sa janë gati të ndëshkojnë dhe veten që t?i shërbejnë atij?, theksoi Marku./ CNA.al





Lajmet e fundit nga