E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Dokumenti ekskluziv/ Basha bën rrush e kumbulla paratë e PD-së, mijëra dollarë të hedhura në kosh

25 Korrik 2020, 08:47, Politikë CNA

Që me ardhjen e Lulzim Bashës në krye të PD-së, është bërë standart hedhja e parave në kosh të plehrave. Lekët që paguhen nga kuotat e anëtarësisë, por edhe paaratë që merr nga fondi i partive politike.

Basha, më shumë sesa një njeri punëtor me strukturat dhe me shqiptarët, është një njeri që kërkon të punojë me propagandë dhe me lobimet. Dhe për këtë arsye, duke qënë se është i paaftë dhe nuk kupton se çfarë ndodh, shpesh përdor konsulenca të cilat kushtojnë qindra mijëra dollarë. Apo bën foto, si në rastin e fotos me presidentin e SHBA, Donald Trump, ku hodhi mbi një milion dollarë për një fotografi, për të cilat përfundoi në prokurori dhe dokumentet ende janë zyrtare në Departamentin e Drejtësisë në SHBA, por për Shqipërinë ato nuk ekzistojnë.

CNA.al ka siguruar një dokument, që tregon se Lulzim Basha në 2018 dhe në 2019, ka bërë rrush e kumbulla mbi 100 mijë dollarë.

Në vitin 2018 ka shpenzuar për konsulenca dhe shërbime, 4 853 230 lekë, ndërsa në vitin 2019, 6 729 239 lekë.

Këto janë para të hedhura për konsulta dhe shërbime. Pra, për të konsultuar Lulin dhe për t?i shërbyer Lulit.

Pra, janë para të hedhura në kosh, sepse 2019 konsultime ka djegien e mandateve, bojkotin e zgjedhjeve lokale, të cilat ishin lëvizjet më skandaloze që ka bërë një kryetar opozite, që e degraduan totalisht opozitën e Lulit. Dhe për ta degraduar këtë opozitë, Luli ka shpenzuar edhe para. Siç e ka tabela e mëposhtme, që ka siguruar CNA.al, në mënyrë ekskluzive.

Duket qartë se Basha ka shkuar dhe ka marrë konsulencë dhe shërbime që të djegë mandatet, që të bëjë protesta, që të mos hyjë në zgjedhjet lokale. Këto para janë derdhur lumë, dhe dështimi ka qënë i garantuar ashtu sikundër janë faktet që tregojnë se kreu i PD-së jep para për t?u konsultuar, për të dështuar.

Një pyetje kemi në fund për Lulin dhe ata që kanë përgatitur këtë material. Kush janë personat që janë paguar për konsulencë dhe shërbime?

Më mirë tua thotë të vërtetën vetë shqiptarëve. Kujdes se mos gënjejnë si në rastin e SHBA-ve, se nuk do të mund t?i fshehin më me proçedura teknike për të dalë të pafajshëm./ CNA.al