Lista të hapura apo lista të mbyllura?/ Zbulohet loja Rama-Basha, mesazhet e koduara të politikës

25 Korrik 2020, 08:23, Politikë CNA

Lista të hapura, lista të mbyllura, ndryshime kushtetuese, koalicione parazgjedhore, janë këto kryefjalë e debateve politike gjatë ditëve të fundit.

Por, një detaj që bie në sy pas firmosjes së marrëveshjes së 5 qershorit, janë fjalimet e kryeministrit Edi Rama.

Përtej qëndrimit që kreu i mazhorancës ka mbajtur në lidhje me hapjen e listave, ka edhe një tjetër detaj. Në çdo dalje mediatike, ai ka vijuar të përsërisë, dy fjali, së pari ai thotë se nuk e pëlqen marrëveshjen e 5 qershorit, por ishte i detyruar ta firmosë dhe së dyti ?hera e fundit që bëjmë marrëveshje në seli diplomatike?.

Në fakt ajo që duket e qartë nga fjalët e kryeministrit, është mesazhi për kreun e Republikës së re, Lulzim Basha. Rama e thotë në mënyrë mjaft të kuptueshme se nuk i do marrëveshjet e hapura, detajet e së cilës janë publike dhe me garanci të ndërkombëtarëve. Ai do pazare si ajo e 17 majit 2017, detajet e së cilës i dinë vetëm ai dhe Luli.

Por në gjithë këtë ?betejë? hyn në lojë edhe presidenti Ilir Meta, i cili kërkon të vijojë të jetë një faktor në politikën shqiptare. Paraditen e djeshme, ai ka zhvilluar një takim me Lulzim Bashën, dhe pas këtij takimi Basha mblodhi aleatët dhe doli me një tjetër qëndrim. Ia kërkoi këtë takim Meta apo jo, këtë mund ta dinë vetem ata. Pas ambasadorëve, Meta pret në Presidencë Bashën/ Zbardhen detajet e takimit

Por, pasdite ndodhi çudia. Pas disa gjoja ?përplasjesh? për listat të hapura apo të mbyllura, për ndryshimet kushtetuese, etj, dje Luli dha sinjalin e parë.

Ndërkohë që gjatë këtyre ditëve ai ka vijuar të artikulojë në publik duke dalë kundër hapjes së listave, me pretendimin se po prishet marrëveshja e 5 qershorit, dje doli e tha publikisht se kërkon hapje 100% të listave.

Në fakt ajo që tha Basha ose është naivitet i tij dhe se ka kuptuar se në amandamentin e propozuar nga opozita parlamentare, thuhet se jo më pak se 2/3 e listave duhet të jenë të hapura, pra Lulin nuk e ndal njeri t?i hapë 100%, ose ai e ka kuptuar shumë mirë, por ka hedhur një shashkë politike, sa për t?i dërguar Ramës sinjalin e radhës, se është gati të ulen e të bëjnë ?marrëveshje? sipas interesit të tyre dhe siç ata dinë ti bëjnë. Dhe koha e ka treguar se çfarë marrëveshjesh bëjnë Luli dhe Rama.

Tani vetëm dy janë opsionet, ose Lulit ia ka kërkuar dje Meta të dalë me këtë qëndrim, ose ai po i dërgon Ramës mesazhin e radhës./ CNA.al