web counter
LEXO PA REKLAMA!

SHKARKO APP

App Store
Google Play

E fundit!

x

ISP dhe Komiteti i Helsinkit nxjerrin analizën/ 3 shkelje për Kodin e ri Zgjedhor

24 Korrik 2020, 17:30, Politikë CNA

Pas miratimit të marrëveshjes së 5 qershorit dje në parlament, organizatat që monitorojnë politikën  në vend e kanë mbështetur me rezerva Kodin e ri Zgjedhor, jo nga përmbajtja, por nga mënyra se si u procedua deri në ngritjen e votës me konsensus.

Kështu, Instituti i Studimeve Politike, Komiteti Shqiptar i Helsinkit dhe Civil Rights Defenders deklarojnë se parimisht mbështesin dialogun politik midis palëve, ndryshimet në Kodin Zgjedhor ecën paralelisht me një nismë të ditëve të fundit për ndryshime kushtetuese, ndërkohë që shqetësimet lidhur me reformimin e legjislacionit mbi partitë politike, nuk morën përgjigje.

“Edhe pse jemi në vitin e 30-të të demokracisë, vërejmë me shqetësim përsëritjen e traditës negative të ndryshimeve të minutës së fundit, përfshi këtu ndërhyrjet në Kushtetutë të diktuara nga urgjenca dhe nevoja për konsensus, të ndërhyrjeve në ligjet me shumicë të cilësuar që nuk respektojnë parimin e gjithëpërfshirjes dhe konsultimit publik dhe që miratohen me procedura të përshpejtuara dhe të mbyllura parlamentare”, thuhet në deklaratën e përbashkët të organizatave, ndërsa tregojnë edhe rezervat për politikën.

“Mbi këtë bazë vlerësimi, organizatat tona, të fokusuara prej vitesh në monitorimin dhe trajtimin e standardeve që duhet të garantojnë zgjedhjet e lira dhe të ndershme në vendin tonë,

a) shprehin keqardhjen që ndryshimet në Kodin Zgjedhor nuk reflektuan plotësisht nevojën jetike të vendit për reformë të thellë dhe të qëndrueshme në kohë, konform standardeve të rekomanduara nga OSBE/ODIHR;

b) shprehim keqardhjen se veprimtaria e Komisionit të Posaçëm parlamentar për Reformën Zgjedhore u suprimua nga veprimtaria e Këshillit Politik (organ ekstra ligjor), i cili dakordësoi ndryshimet e propozuara në Kodin Zgjedhor, të mbështetura më pas nga një grup deputetësh, të cilët formalizuan nismën ligjore që u votua në seancë plenare me shumicë të cilësuar.

c) Institucioni i Kuvendit të Shqipërisë në kundërshtim me legjislacionin në fuqi për njoftimin dhe konsultimin publik dhe me zotimet e tij publike, nuk zhvilloi konsultime publike për ndryshimet e propozuara dhe të miratuara në Kodin Zgjedhor, por i dha përparësi marrëveshjes së arritur mes palëve në Këshillin Politik, duke bërë që procesi të ishte i mbyllur dhe jo gjithëpërfshirës”, thuhet në deklaratën e përbaashkët. /CNA.al





Lajmet e fundit nga