E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

PD nuk hapet, listat hapen

24 Korrik 2020, 13:01, Politikë CNA

Deri një ditë përpara se te hidheshin në tregun e politikës amendamentet “Murrizi”, çuna-gocat e kunatit dhe ca të tjerë rrogëtare kishin stisur midis vetes një debat shterp për hapjen e PD-së.

Vetë flisnin, vetë përgjigjeshin, vetë pyesnin, vetë argumentonin, vetë kundërshtonin e mes vetes edhe ziheshin.

Kush mund të hynte, kur mund të hynte, sa herë kishte dalë, si kishte hyrë e dalë, pse kishte ikur e pse nuk mund të kthehej.

Për këdo që ka pesë pare mend në kokë, pas 7 viteve opozitë, do e kishte kuptuar që nuk mund të bënin më mes tyre të njëjtin muhabet që kishin nisur që në vitin e parë të opozitës.

Kushdo me pesë pare mend në kokë, do kishte ftuar me përulje këdo që kishte pesë kontribute konkrete në PD, e nuk do bënte karshillek a thua se ishte në vitin e parë të pushtetit.

Kushdo që ka pesë pare mend në kokë e sheh rrudhjen në PD, shterrjen e vlerave dhe të mendimit, demotivimin si element që nxitet nga mungesa e shpresës dhe e rregullave të karrierës politike.

Ai debat ishte fals.

Që debati për hapjen e PD, ishte i stisur, fals dhe i nxitur mes vetes, e dëshmoi fakti që asnjë ish, nuk kërkoi të kthehej në PD.

Bile edhe Besniku me Gencin, thjesht ju bashkuan Jeminit për kafe dhe muhabet njerëzish, që dukshëm kohën e kanë pa hesap dhe hesapet e veta i kanë në rregull.

Që debati për hapjen e PD ishte i stisur, fals dhe i nxitur mes vetes, e vërtetoi mbyllja e tij si me çeles, sapo në treg u hodhen amendamentet “Murrizi”.

Debati që ndezen ato amendamente për hapjen e listave, u hoqi dëshirën “debatuesve” brenda PD për gjasme-debatin për hapjen e PD.

Ai debat është halli i madh i Lulit, ndaj është normale që kur të mbyt halli i vërtetë s’ke kohë të sajosh “halle” nga ato që duhen shpikur që mos të të marrin m’sysh.

Debati për hapjen e listave po varros politikisht Luli Bashën, megjithëse Luli Basha nuk po flet asnjë llaf. Edhe çuna-gocat e kunatit e kanë qepur.

Harruan hapjen e PD.

Me sa duket kuptuan që paska edhe me keq sesa të mos hapësh PD-në.

Me keq se kaq qenka të mbyllësh listat për PD-istët dhe ti shqyesh për LSI-istët.

Ky është halli i vërtetë që duhet të qajnë në PD.

Pasi ta zgjidhin këtë, mund të nisen edhe tu kërkojnë shqiptarëve tu hapin dyert, për tu prekur zemrat, për tu mbushur mendjen e për tu kërkuar votën.

Ndërkohë listat e hapura do zgjerojnë alternativat dhe më shumë sesa vetëm Luli dhe Rama, do trokasin në dyert e shqiptarëve.

Secili me lista të hapura, 0%, 30%, 70 % apo 100%. Aq sa beson se duan shqiptarët./ CNA.al