web counter
LEXO PA REKLAMA!

SHKARKO APP

App Store
Google Play

E fundit!

x

“Energji për të vazhduar betejen”/ Paralajmërimi i Rudina Hajdarit: Ndryshimin ia kemi borxh të ardhmes

24 Korrik 2020, 11:53, Politikë CNA

Deputetja demokrate, Rudina Hajdari ka zhvilluar sot një takim me një grup të rinjsh nga Patosi.

Në një postim në rrjetet sociale, Hajdari shkruan se takimi në fjalë e ka mbushur me energji për të vijuar betejen e saj për ndryshim, për të cilin thotë se është një borxh ndaj të ardhmes.

?Ndryshimin ia kemi borxh të ardhmes!

Pata një bisedë frymëzuese sot me të rinjtë e Patosit, të cilët më mbushën me energji për të vazhduar betejën për ndryshim.
Kush ka lindur mbas ’90 në Shqipëri trishtohet pak kur sheh se skenën politike prej 30 vitesh e dominojnë ende të njëjtat personazhe, të cilat prodhojnë të njëjtat probleme, flasin me të njëjtën gjuhë e shkaktojnë të njëjtat kriza të cilat i vuajnë shqiptarët.?-shkruan Hajdari,

Sa i takon hapjes së listave, ajo thotë se është një fillim i mbarë, për të shkuar drejt qëllimit final që është ndryshimi i sistemit.

?Listat e hapura nuk janë ilaçi final, por është fillimi i mbarë i kurës për këtë sëmundje të vjetër që ka kapur vendin.
Është hapi i parë drejt ndryshimit që duan të rinjtë, që duan shqiptarët.
Prandaj rinia e mbështet fort këtë ide.
Sepse është armë në duart e tyre për të eliminuar mbetjet nga politika shqiptare e për të sjellë në dritë vlerat.
Kështu do i vëmë fre largimit masiv e do e imagjinojmë të ardhmen në Shqipëri.
Sot mora një dozë të fortë optimizimi e mbështetjeje që më bindi edhe më shumë se jemi në rrugën e duhur.
U premtova të rinjve se nuk do ndalem.
Nuk do të ndalemi!?-shkruan Rudina Hajdari./ CNA.al





Lajmet e fundit nga