web counter
LEXO PA REKLAMA!

SHKARKO APP

App Store
Google Play

E fundit!

x

Mjeku Koni gjen fajtorin/ "Ilir Beqaj la ministrinë e Shëndetësisë pa lekë"

25 Korrik 2020, 17:45, Politikë CNA

Mjeku urolog, Artan Koni, ka fajësuar ish-ministrin Ilir Beqaj për situatën në të cilën ndodhet shëndetësia shqiptare aktualisht, e cila ka marrë edhe një goditje nga koronavirusi.

Koni tha se Beqaj ka lënë ministrinë pa lekë dhe me pasojat e kësaj pretendon se po përballet ministrja aktuale e Shëndetësisë Ogerta Manastirliu.

Ai tha në emisionin ?Kjo Javë? se Manastirliu duhet ta pranojë që nuk ka shumë buxhet dhe që situata nuk është nën kontroll.

?Nuk janë transparentë dhe i kuptoj se nuk kanë çfarë të bëjnë. E fshehtë mbahet ajo që kemi thënë: që thonë se gjendja është nën kontroll, kur nuk është nën kontroll, thonë që janë spitalet gati, por nuk janë, thonë që janë bërë testime sa duhet, por nuk janë bërë, thonë që kanë respiratorë, por nuk kanë. Shkaktari që ka mbetur shëndetësia pa lekë nuk është Manastirliu, por Ilir Beqaj. Ministrja mund ta pranojë këtë, mund të ishte më e ndershme të thoshte që nuk kemi shumë buxhet, ndaj jemi në këtë gjendje. Por këta thonë të kundërtën?, deklaroi mjeku./ CNA.al





Lajmet e fundit nga