web counter
LEXO PA REKLAMA!

SHKARKO APP

App Store
Google Play

E fundit!

x

Bardhi i nxjerr audio-përgjimin Gjiknurit/ Asnjë ndryshim i njëanshëm s’mund të jetë i detyrueshëm

26 Korrik 2020, 12:16, Politikë CNA

Pas deklaratës së Damian Gjiknurit për listat e hapura, ka ardhur edhe reagimi i Partisë Demokratike, më konkretisht i sekretarit Gazment Bardhi.

Demokrati ka postuar audiopërgjimin e Gjiknurit me Imer Lalën, të publikuar më parë nga media gjermane ?Bild?, me të cilën pretendohet se faktohet vjedhja e votave në 2017-ën.

Bardhi thotë se ndryshimi i njëanshëm i Kushtetutës është provë që kryeministri Edi Rama vazhdon koalicionin me krimin e organizuar.

Ai ngre akuzat se Rama po tenton të prishë rregullat e garës, ndërsa thekson se asnjë ndryshim i njëanshëm nuk mund të jetë i detyrueshëm për opozitën politike të vendit.

?Zgjedhjet në Shqipëri nuk i ka dëmtuar pjesëmarrja e partive politike në zgjedhje, por bashkëpunimi i Damianit me Ymer Lalat në blerjen e votave, bashkëpunimi i Vangjushit me Avdylajt në caktimin e kandidatëve dhe kërcënimin e votuesve, etj. Pra, zgjedhjet i ka dëmtuar koalicioni i Edi Ramës me krimin e organizuar dhe jo koalicioni parazgjedhor i partive politike.

I braktisur nga qytetarët, Edi Rama po tenton të prish rregullat e garës në mënyrë të njëanshme, i friksuar nga humbja e zgjedhjeve dhe pushtetit të tij personal, që në 7 vjet e përdori vetëm për të mbështetur veten, oligarkët dhe krimin e organizuar!

Asnjë ndryshim i njëanshëm nuk mund të jetë i detyrueshëm për opozitën politike të vendit. Nëse Edi Rama ka vendosur të hedhë në erë zgjedhjet e ardhshme, ne do të bëjmë gjithçka që koston ta mbajë ai, personalisht, jo Shqipëria e shqiptarët?, shkruan sekretari i Përgjithshëm i PD-së./ CNA.al





Lajmet e fundit nga