E fundit!

16:22 Aktualitet

Vrasja e policit në Maliq/ Hita: Nëse DVP Korçë do kishte kërkuar ndihmë do ishin marrë masa më të forta

Kreu i Policisë së Shtetit Skënder Hita ka zbarkuar në Kor...

Ennio Morricone "kompozon" letrën e vdekjes/ Ekziston vetëm një arsye që më shtyn të përshëndes

6 Korrik 2020, 18:00, Kulturë CNA

Kompozitori, Ennio Morricone e la këtë botë dje në mbrëmje në moshën 91-vjeçare, por veç koleksionit të tij të vyer muzikor, ai ka shkruar më herët edhe një letër emocionuese për vdekjen. Është një autonekrologji, ku Morricone njofton vdekjen e tij dhe në pak rreshta përmend edhe njerëzit e tij të dashur. Letra është publikuar nga ?Che tempo che fa?, e moderatorit italian Fabio Fazio.

Autonekrologji

?Unë, Ennio Morricone kam vdekur. Ua njoftoj kështu të gjithë miqve që kanë qenë gjithmonë pranë meje dhe gjithashtu atyre që janë pak larg, që i përshëndes me shumë dashuri. Është e pamundur t?i përmend të gjithë. Por një kujtim i veçantë është për Peppuccio-n dhe Roberta-n, miq të dashur shumë të pranishëm në vitet e fundit të jetës sonë.

Ekziston vetëm një arsye që më shtyn t?i përshëndes të gjithë kështu dhe të mbahet një funeral privat: Nuk dua t?ju shqetësoj.

Përshëndes ngrohtësisht Ines, Laura, Sara, Enzo dhe Norbert, sepse kanë ndarë një pjesë të madhe të jetës sime me mua dhe familjen time. Dua të kujtoj motrat e mia Adriana, Maria, Franca dhe partnerët e tyre me dashuri dhe t?u them se i kam dashur shumë.

Një përshëndetje e fortë dhe e thellë për fëmijët e mi Marco, Alessandra, Andrea, Giovanni, nusen e djalit, Monica dhe nipërit e mbesat e mia Francesca, Valentina, Francesco dhe Luca.

Shpresoj që ata ta kuptojnë se sa shumë i kam dashur. E fundit, por jo më pak e rëndësishme (Maria). Për ty ripërtërij dashurinë e jashtëzakonshme që na ka mbajtur bashkë dhe që më vjen keq ta braktis. Për ty lamtumirën më të dhimbshme?.