E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

“Tjetërsoi historinë e Voskopojës tek Blendi Fevziu”/ Vangjush Nikolicari nxjerr zbuluar Pëllumb Xhufin

25 Qershor 2020, 15:30, Kulturë CNA

Historiani, Pëllumb Xhufi ishte i ftuar mbrëmjen e të martës në emisionin ?Opinion? ku u trajtua historia e Voskopojës.

Deklaratat e këtij të fundit, janë kundërshtuar nga Kryetar i shoqatës? Rilindja e Voskopojës 1929?, Vangjush Nikolicari.

Nikolicari akuzon Xhufin se po mundohet të tjetërsojë historinë e djegjeve të Voskopojës. Madje ai shkon edhe më tej, kur shkuruan se edhe intervistat e bëra me familjet autoktone të zonës janë cunguar për të mos dalë e vërteta në emision.

Ai shton se vlerat e një emisioni rriten kur thuhen të vërtetat historike ashtu siç kanë ndodhur dhe jo duke i manipuluar dhe tjetërsuar ato për interesa të caktuara apo për t’i bërë qejfin njërit apo tjetrit, kushdo qoftë ai.

?Refleksione për emisionin” Opinion” të z. Blendi Fevziu” Shkëlqimi dhe rënia e Voskopojës, transmetuar dy ditë më parë. Zoti Pëllumb Xhufi vazhdimisht është munduar të tjetërsojë historinë e djegjeve të Voskopojës, e cila është djegur tre herë: në 1769; 1789 dhe e fundit në 1916. Të tre herët është djegur nga hordhitë muslimane të kohës përkatëse. Djegja e parë nuk është realizuar nga kreditorët orthodhoksë, sikurse shprehet z. Xhufi në emision, bile vazhdon ,se këta kreditorë duke qënë orthodhoksë nuk dogjën kishat të cilat mbijetojnë dhe sot. Voskopoja ka patur 24 kisha dhe një manastir , atë të Shën Joan Prodhromit. Sot me gjithë manastirin mbijetojnë vetëm 6. Po 19 kishat e tjera , kush i dogji z. Xhufi? Apo vetë kreditorët orthodhoksë , dogjën kishat e tyre! E pabesueshme dhe jo e vërtetë. Djegjen e dytë e realizuan hajdutët e Ali Pashë Tepelenës. Kurse djegjen e tretë, atë të vitit 1916, e realizoi çeta famëkeqe, hajdute, e Sali Butkës. Z. Xhufi , të paktën në emisionin për Voskopojën, nuk duhet të fliste për patriotizmin e çetës së Sali Butkës.Në Korçë, Kolonjë e më gjërë dihen bëmat plaçkitëse e vrasëse të kësaj çete. Në qëndër të Voskopojës, në krah të godinës së Njësisë Administrative, është vendosur nga shoqata “Rilindja e Voskopojës 1929″ , memoriali në kujtim të viktimave gjatë tre djegjeve të Voskopojës. Ka shumë familje ish voskopojare , sikurse ka dhe shumë pasardhës nga fshatrat e Kolonjës, si Bezhani, Shtika, etj , që mund të flasin për bëmat e çetës hajdute të Sali Butkës , e cila plaçkiste dhe vidhte karvanët e tregtarëve voskopojare, apo fshatrave të tjerë.Sa për ilustrim, ja ç’farë shkruan në librin e tij me kujtime” Një faqe historie” patrioti Nikollaq Zoi, ish drejtori i financave të Republikës Autonome të Korçës, të vitit 1916, ish Prefekt i Korçës, dhe një nga bashkëpunëtorët më të ngushtë të Themistokli Gërmenjit: “Një të premte u përhap fjala në qytet se çeta e Sali Butkës të nesërmen do të hynte në Korçë. Që pa gdhirë mirë ajo e shtunë, shumë korçarë hipur në kuaj ose në këmbë me gra e me fëmijë, po shkonin nga Korça në drejtim të Bilishtit, Follorinës ose Kosturit etj” Lind pyetja: Pse detyrohen qytetarët e tregëtarët korçarë, të braktisin pazarin, shtëpitë e tyre , qytetin, kur dëgjuan për ardhjen e çetës së Sali Butkës, i cili sipas përshkrimit të Nikollaq Zoit ishte i lindur në fshatin e vogël Butkë, afër Ersekës, njeri i shkurtër dhe me një sy,që zotërimin e vetvetes e kishte relativ. Kjo dhe shumë episode të tjera të vërteta, të jetuara dhe treguar brez pas brezi nga ish voskopojare mbi Voskopojën dhe çetën e Sali Butkës, po të ekzistonte dëshira e mirë e autorit të emisionit, si dhe ti referoheshe autorëve të shumtë ,vendas e të huaj , që kanë shkruar për Voskopojën dhe historinë e saj madhështore e njëkohësisht dramatike, mund të evidentoheshin shumë mirë në emision . Por përkundrazi dhe intervista që ju bë një anëtari të familjes Falo, nga më të vjetrat, familje autoktone voskopojare, me intelektualë e patriotë në gjirin e saj ,si ,Dhimitër dhe Dhori Falo, u redaktua e u cungua aq shumë sa nuk doli asnjë e vërtetë mbl historinë e djegjes së Voskopojës në emision. Mendoj se vlerat e një emisioni rriten kur thuhen të vërtetat historike ashtu siç kanë ndodhur dhe jo duke i manipuluar dhe tjetërsuar ato për interesa të caktuara apo për t’i bërë qejfin njërit apo tjetrit ,kushdo qoftë ai.?/CNA.al