web counter
LEXO PA REKLAMA!

SHKARKO APP

App Store
Google Play

E fundit!

x

14 vite pa Aleko Prodanin/ Andi Përmeti kujton aktorin korçar: I detyrohemi shumë

2 Maj 2020, 18:06, Kulturë CNA

14 vite më parë ndërroi jetë i madhi Aleko Prodani, aktori korçar që me artin e tij na bën të qeshim edhe sot.

Në një postim në rrjetet sociale, deputeti i Bindjes Demokratrike ka kujtuar Prodanin me shprehjen e famshme “Cuk, po ti do më vdesësh mua!”

Përmeti thotë se ne i detyrohemi shumë Alekos për mijëra buzëqeshjet që na ka dhuruar ndër vite, ndërsa ka publikuar edhe një video nga filmi “2 herë mat”.

“Ne i detyrohemi shumë Alekos, i detyrohemi mijëra buzëqeshje që na ka dhuruar me artin e tij, i detyrohemi respekt dhe kujtim të përhershëm. 14 vjet më parë, më 2 maj, ora 19.30 ndërroi jetë Aleko Prodani. Në skenë, në vendin më të dashur për të, me duartrokitjet e publikut. Qytetet ngrihen mbi artin dhe mbi kulturën. Korça nuk duhet të harrojë por të kujtojë me krenari personat që lanë gjurmë në skenën shqiptare.

Aleko ishte një nga më të mirët që ka patur Shqipëria. Ai, për shumë vite me rradhë na fali shumë buzeqeshje, na dhuroi shumë dashuri. Shumë breza u rritën me humorin e tij. Sot ai mungon shumë por mungon vetëm fizikisht sepse është prezent çdo ditë në shtëpitë e shqiptarëve me humorin e pazëvendësueshëm që na la. Korça i detyrohet Alekos, ne i detyrohemi. Krenari e artit shqiptar. Faleminderit Aleko Prodani”, shkruan deputeti./ CNA.al





Lajmet e fundit nga