web counter
LEXO PA REKLAMA!

SHKARKO APP

App Store
Google Play

Zija Çela rrëfen si e ka njohur Rikard Ljarjan/ "Nuk ankohej asnjëherë, ishte në ekulibër të plotë"

25 Prill 2020, 16:16, Kulturë CNA

Vetëm pak ditë më parë u shua një nga aktorët më të mirë të Shqipërisë, Rikard Ljarja. Për humbjen e tij ka folur edhe shkrimtari Zija Çela, i cili tregon se lajmin e hidhur e mësoi nga rrjetet sociale.

Ai tha se Rikardin e ka njohur në shkollën Xheladin Fishta, ku kanë studiuar së bashku, ndërsa thekson se babin e kishte mësues.

“Më parë njoha babain e tij. Karlo ishte mësuesi im i gjermanishtes. Vjen dhe më shfaqet me trupin filiskaj, me flokët e thinjura. Gjithë kohën që kishte studiuar jashtë e kishte kaluar me valsin austriak. Gjithë fisnikërinë e Karlos e njoha tek Rijkardi. Mbaj mend mbrëmjet e vallëzimit, Rikardi i ulur me fizarmonikë. Sytë e mëdhenj të tij, melankolikë. Emrin në shkollë e kishte Rik. Nuk njihej kurrë si djali i mësuesit. Ai mori maturën dhe si zogu që ikën marrëdhëneit u shkëputën, 64- 68. 64-65 ai ishte diplomuar. Pikëllimi si diamandi i zi ka atë pamjet e mortit, varrimit që unë do kisha dashur. Unë kisha fjalën për atë pikëllimin e padukshëm. Për vite të tëra u ndamë. Riku shkoi në Institutin e Lartë të Artegve. Kishte shumë talente por e kishin taksur prindërit të shkonte në shkollë muzike. I binte dhe fagotit në orkestrën simfonike të Preng Jakovit”, rrëfeu shkrimtari.

Ai e cilësoi Ljarjan si një njeri modest që nuk ankohej asnjëherë edhe pse mund të kishte shumë pengje apo shqetësime.

“Rikardi ishte në ekuilibër të plotë. Rikardi artist dhe njeri ishte në ekuilibër. Nëse ti e njihje në jetë në rolin e artistit ai ndërrohej, ishte komplet tjetër. Vishte rolin e artistit. Është çasti të bëjmë homazh se na ka lënë një arkiv një pasuri të jashtëzakonshme artistike. Koha do t’i vlerësojë edhe më mirë punën e ne artistëve të asaj kohe”, nënvizoi Çela./ CNA.al





Lajmet e fundit nga