web counter
LEXO PA REKLAMA!

SHKARKO APP

App Store
Google Play

E fundit!

x

“Nuk gjej dot mal tjetër ku ta peshoj dhimbjen”/ Mesazhi prekës për Rikard Ljarjan: Të ndritë shpirti, mik, shok, vëlla

21 Prill 2020, 07:38, Kulturë CNA

Shumë personazhe të botë së artit, por edhe të politikës, kanë përcjellë mesazhe ngushëlluese, pas ndarjes nga jeta të aktorit dhe regjisorit të njohur shqiptar Rikard Ljarja.

Nënkryetari i LSI-së, Luan Rama, në një postim në rrjetet sociale, ka zgjedhur titullin e njërit prej librave të Rikard Ljarja, për të shprehur dhimbjen për humbjen e tij.

?KRONIKË BARDHEZI

Në përcjellje të Rikard Ljarjes!…

Po ta marr borxh titullit e njërit prej librave që më pate dhuruar i dashur Rikard, për t?u mbështetur në ty se nuk gjej dot mal tjetër ku ta peshoj dhimbjen.

Kronikë bardhezi në zinë e bardhë të ikjes tënde, shenjtërisht të fisme e pamatshëm të dhimbshme!

Sepse ti kurrësesi nuk mund të ikje ndryshe!

Gjithë jetën tënde e jetove fisshëm, duke na dhënë Rikardin që kush nuk do të donte t?i ngjante.

Na dhe Rikardin; njeriun e virtytshëm dhe aktorin e papërsëritshëm, bashkëshortin dhe prindin gjithë dashuri, na dhe regjisorin e guximshëm e gjurmëshënjues në filmin shqiptar.
Por, në të njejtën përmasë na dhe edhe Rikardin muzikant, instrumentist të talentuar, piktor dhe shkrimtar të përjetimeve realiste, i cili bujarisht na e fali të gjithë botën e vet me aq art dhe elegancë zotnie, me aq shpirt dhe shenjtëri frymëzimi, si dëshmi e një përmase të epërme e krejt të veçantë të madhështisë tënde.
Të madhështisë tënde të fisme e të pazhurmë…

Na dhe gjithçka. Pa na kërkuar asgjë.
Ndaj sot, në ditën e përcjelljes, të falem nderit me mirënjohje për gjithçka bëre e na dhe, si pakkush!

Dhe ike mirësisht i bardhë dhe madhërisht i paqtë në këtë ditë zi dhe pikëllimë Rikard Ljarja!

Ike në amëshim…

Të ndrittë shpirti
mik, shok, vëlla!?-shkruan Luan Rama.





Lajmet e fundit nga