E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Tradita dhe domethënia e vezës së kuqe të Pashkës

18 Prill 2020, 20:01, Kulturë CNA

Nga Miron Çako – Përgjegjësi i Zyrës së Katekizmit të Kryepiskopatës KOASH

Kjo traditë paskale na vjen nga jeta e shën Maria Magdalenës që u quajt e tillë, sepse vinte nga fshati Magdala në jug të Galilesë.

Ajo ishte pjestare e grupit të nderuar të grave galilease që së bashku me Marinë nënën e Zotit i shkonin pas Zotit Jisu Krishtit dhe apostujve të shenjtë duke i ndihmuar me ç?ka mundin në misionin e tyre hyjnor.

Shumë biografë e paraqesin Mari Magdalenën si grua mëkatare, por kjo nuk qëndron dhe është gabim që ajo të quhet një lavire e penduar. Sipas traditës orthodhokse Maria Magdalena ishte e virgjër dhe Krishti e liroi atë nga shtatë demonë, pastaj ajo e mbushur me mirënjohje i përkushtoi gjithë jetën shërbimit të Shpëtimtarit.

Ajo ka qënë në Jerusalem gjatë pësimeve të Krishtit dhe e ka ndjekur këmba-këmbës Mësuesin deri në Golgotha poshtë kryqit duke vajtur dhe duke rrahur kraharorin bashkë me gratë e tjera të Galilesë.

Sipas ungjillit të Joanit ishte bashkë me gratë miraprurëset që vajtë në të gdhirë tek varri i Krishtit, madje qe e para midis tyre, sepse ajo pasi pa gurin e rrokullisur nga dera e varrit shkoi me vrap te Petro e te Joani e u tha: ? E kanë marrë trupin e Mësuesit nga varri e nuk dimë ku e kanë vënë.?

Aq thellë e kishte ndierë në shpirtin e saj vdekjen e Shpëtimtarit dhe aq ishte hutuar saqë vazhdonte të qante jashtë varrit edhe pas largimit të Petros e të Joanit të cilë panë varin bosh dhe shkuan të çuditur. Malli e nxiti që ajo të fuste kokën në varr dhe atëherë pa brenda dy engjëj të veshur me rroba të bardha që qëndronin njëri nga ana e kokës dhe tjetri nga ana e këmbëve të vendit ku ishte vendosur Jisui. Ata i thanë: ?O grua pse qan?? Maria Magdalena iu përgjigj :?Sepse e kanë marrë Zotin tim dhe nuk e di ku e kanë vënë.? Dhe tek po thoshte këto ndjeu se dikush ishte pas saj. U kthye dhe pa një njeri, por nuk e njohu se ishte vetë Jisui Krishti i tha: ?O grua pse qan? Cilin kërkon??. Ajo duke kujtuar se mos ishte pronari i kopshtit në të cilin ndodhej varri dhe se mos ky e kishte marrë trupin i Mësuesit i tha: ?Zotëri nëse e ke marrë ti trupin më thuaj se ku e ke vënë që ta marrë vetë?. Atëherë Jisui ia zbuloi veten duke thirrur me emër ?Mari ?. Ajo menjëherë e njohu zërin e Krishtit dhe iu përgjigj me gëzim e mallëngjim: Rabuni (Mësues). Pastaj iku me vrap që t?u thoshte apostujve të frikësuar se kish parë Zotin e Ngjallur.

Pas zbritjes së Shpirtit të Shenjtë në ditën e Pendikostisë Maria Magdalena vazhdoi veprimtarinë e saj apostolike duke përhapur ungjillin nëpër botë. Pas fjetjes së Hyjlindëses Zonjës shën Mari, Maria Magdalena u vendos në Efes bashkë me Joan Teologun kur dhe aty ndërroi jetë dhe trupi i saj u varos me nderim nga të krishterët.

Kur Maria Magdalena shkoi te Perandori Tiber në Rromë për të denoncuar qëndrimin e kundërligjshëm të Pilatit në gjyqin e Krishtit, i tregoi të përmbledhur jetën e Zotit Jisu që kulmon me vdekjen në kryq edhe ngjalljen e tij.

Perandori mosbesues kur dëgjoi tregimin e Magdalenës nënqeshi dhe i tha: ?Është e pamundur që një njeri që vdiq edhe u varros të ngjallë vetveten?. Në atë çast rastisi të kalonte aty pranë një skllave që po mbante një shportë me vezë dhe perandori i thotë Magdalenës me ironi: ?n.q.s. këto vezë bëhen të kuqe, atëherë besoj se Krishti që po më flet u ngjall në të vërtetë.?

Maria Magdalena i afrohet skllaves, merr një vezë dhe sapo i prek me të tjerat ato bëhen të gjitha të kuqe. Atëherë ajo merr vezën e kuqe dhe i thotë Tiberit që kishte mbetur i çuditur: ?Çezar Tiber – Krishti u ngjall?.Kjo traditë vazhdon deri më sot midis orthodhoksëve.

Veza në vetvete është një simbolikë e jetës, sepse ajo brenda saj përmban një embrion që formohet në një zog që në momentin e duhur e çukit vezën dhe del jashtë. Të njëjtin simbol jete na tregon edhe veza e kuqe,por tradita e krishterë e përshtatur vezën si simbol edhe të Ngjalljes të Krishtit. Veza është parë si simbol i tokës e cila pranoi Krishtin brenda vetes, por pas tri ditësh Ai i hapi portat e vdekjes(Hadit) dhe doli jashtë varrit i ngjallur. Ngjyra e kuqe e vezës është ngjyra e gjakut të Krishtit i cili i fal mëkatet tona dhe i bën ato të bardha si bora.

Është mirë që veza të konsumohet në mesnatë, ose mbas Liturgjisë Hyjnore Paskale, po ashtu veza e kuqe konsumohet edhe përgjatë 40 ditëve mba Pashkës si një simbol dhe dëshmi të ngjalljes së Krishtit dhe e përshëndetjes Paskale : ?Krishti u Ngjall ! Me të vërtetë u Ngjall!?