Arti në zi/ Ndërron jetë një personalitet shkodran, pedagog dhe specialist i muzikës

1 Korrik 2020, 11:00, Kulturë CNA

Një personalitet shkodran është ndarë nga jeta në moshën 86 vjeçare.

Mësohet se është shuar profesor Ferid Bala, i cili njihet si autor, pedagog i kantos dhe specialist i muzikës.

Lajmin e ka bërë të ditur kryebashkiakja e Shkodrës në detyrë Voltana Ademi, e cila shpreh ngushëllimet për humbjen e figurës së shquar.

?Ndarja nga jeta e Profesor Ferid Balës një lajm i trishtueshëm, jo vetëm për familjen, ish- nxënësit e bashkëpunëtorët, por për të gjithë Shkodrën.

Personalitet i muzikës, pedagog i qindra talenteve, botues librash, familjar e qytetar i nderuar i Shkodrës, Profesor Feridi ka lënë pas një trashëgimi për të cilën ndjehemi të gjithë krenarë. Lamtumirë Profesor, pushofsh në paqe!?, shkruan ajo në rrjetet sociale.

Raportohet se Bala në rininë e tij është zgjedhur së bashku me 100 koristë shqiptarë, për të përfaqësuar vendin tonë në Festivalin Ndërkombëtar të Rinisë në Bukuresht, ku edhe u vlerësuan me çmimin e tretë.

Ferid Bala ka një veprimtari të gjërë didaktike dhe është autor i disa librave për shkollat e mesme të muzikës, si ?Ushtrime Vokale?, ?Përmbledhje me Arie e Romanca?, etj.

Së bashku me shokë të tjerë muzikantë ai themeloi në Shkoder shoqatën Artistike ?Dashamirët e Këngës Shkodrane? duke organizuar aktivitete të ndryshme koncertore dhe shkencore. Si çdo shqiptar, mbas daljes në pension në vitet 1990-të, provoi emigracionin në SHBA dhe në Kanada nga ku u kthye rreth vitit 2000.

Ai ka botuar librin ?Në lulishten e këngës dhe të këngëtarve popullore shkodranë?, në vitin 2009 botoi librin ?Fjalor muzikor i komentuar?, në vitin 2011 (me rastin e 50 vjetorit të shkollës së muzikës Prenk Jakova), botoi librin ?50 vjet Art e Kulturë? dhe librin ?Këshilla për këngëtarët?. Gjithahstu ai ka botuar edhe një sërë librash të tjerë.

Si këngëtar lirik dhe si solist i Ansamblit Amator të Shtëpisë së Kulturës Shkodër, Feridi, u shqua për interpretimet e tija me nivel të lartë në aktivitete e konkurse të ndryshme kombëtare, ku u vlerësua me cmime, diploma dhe medalje të ndryshme./ CNA.al