E fundit!

09:56 Denoncim

“Lumë” presioni në rrjetet sociale/ Të famshmit në “shënjestër”, kush po i nxit për protestat

Protestat e ditëve të fundit të lidhur me situatën në Zvër...

"Ne jemi shteti"/ Fasada dhe propaganda nuk kursehet as te uniformat blu

20 Qershor 2020, 10:16, Aktualitet CNA

Arrogancë uniformash blu, një demonstrim teatral i policisë me rastin e koronavirusit

Policia e Korçës paraditen e kësaj të premteje të 19 qershorit të Covid 19 ishte si në ethe për dy ngjarje në dukje të rëndësishme por thjesht kalimtare.

E para kishte të bënte me prezantimin në publik të Drejtorit të policisë rajonale Ferdinand Mara, i sapoemëruar në këtë detyrë. Kreu i uniformave blu të Qarkut Korçë, kishte zgjedhur një supermarket për të folur mbi masat parandaluese ndaj rrezikut të rikthyer të koronavirusit edhe në Korçë.

Të paktën gjysëm ore përpara se drejtuesi i policisë të mbërrinte në subjektin privat si modelin e zgjedhur për inspektim dhe promovim, rrugët dhe udhëkryqet rreth e rrotull u bllokuan nga forca dhe makina policie. Më shumë se gazetarë e kameramanë, e ndoshta duke shtuar kalimtarë të rastit të bërë kureshtarë, kishte vartës nga më i afërti deri te polici i thjeshtë i drejtorit Mara.

Demonstrimi nuk kaloi pa tromaksur njerëz e biznese aty pranë. Këta panë edhe njëherë arrogancën e uniformës me devizën qesharake që ushqen si mentalitet primitiv ‘ne jemi shteti’ dhe ndërkaq servilizmin e vartësve ndaj titullarit të ri.

Sikur kjo ngjarje me të gjitha seriozitetet e duhura ceremoniale të mos shoqërohej nga një e dytë, dhe ndoshta paralelisht, do të ishte një paragjykim spekulativ dhe gjynah i rëndë në këtë vëzhgim.

Askush nga gazetarët nuk i vuri veshin fjalës së kreut të policisë rajonale lidhur me masat ndaj koronavirusit, por kush si në mirëbesim informativ dhe kush duke kuturisur të zbulonte i pari atë që e dinin tashmë të gjithë u interesua për një shkarkim nga detyra të shefit të qarkullimit në komisariatin e policisë rrugorëve dhe ca të tjerëve së bashku me të.

Mara u duk se doli nga situata me një shprehje standarte: ‘do t’ju informojë zëdhënësja për këtë’. Dhe sërish, nën sirena dhe një shpurë të madhe policie u largua.

Policia e shtetit, duke ju referuar asaj të Korçës, jep informacion zyrtar për ca hallexhinj që ndreqin çatitë apo rregullojnë avllinë e shtëpisë si të ishin këta ‘kriminelët’ për shkelje të ligjit, ndërsa për skandalet abuzive në rradhët e saj si rasti i 6 efektivave të dyshuar për skemë abuzimi me gjoba në qarkullimin rrugor hesht.

Kjo ishte ngjarja e dytë që zhvlerësoi atë të inspektimit për masat ndaj koronavirusit nga drejtori i policisë rajonale. Ndoshta zhurma e këtij skandali u tentua të mbulohej me zhurmën propogandistike të kundërt që bëri shefi i ri i policisë rajonale në një supermarket./ Korça Report