web counter
LEXO PA REKLAMA!

SHKARKO APP

App Store
Google Play

“Tender në kohë pandemie”/ Skandali për ndërtimin e ujësjellësit në Bashkinë e Bulqizës

19 Qershor 2020, 20:58, Aktualitet CNA

Gazetari Klodian Tomorri ka publikuar dokumentin e tenderit për ndërtimin e ujesjellësit në bashkinë e Bulqizës për të cilin janë paraqitur 6 oferta në garë.

Tomorri sqaron se nuk fiton oferta më e ulët, as oferta e dyte më ulet, por oferta e katër. Diferenca nga oferta fituese tek ajo më e ulëta është plot 350 mijë euro.

Gazetari thekson se tenderi i ujësjellësit është bërë në kohë pandemie, kur tenderat ishin bllokuar me vendim qeverie.
Sipas Tomorrit, pjesa dërrmuese e tenderave shkojnë me 99 e madje edhe 100 për qind e fondit limit.

?Ja dhe Bashkia e Bulqizes
Behet tenderi 2.4 milione euro per ujesjellesin e Bulqizes dhe paraqiten 6 oferta ne gare. Por nuk fiton oferta me e ulet. Nuk fiton as oferta e dyte me ulet dhe madje as ajo e treta me e ulet. Fiton oferta e katert. Diferenca nga oferta fituese tek ajo me e uleta plot 350 mije euro. Me nje dore te vetme.
Tenderat e bashkive, ashtu si ato te institucioneve qendrore, po behen me gare nga lart per cmimin. Nuk fitojne ofertat me te uleta. Ato skualifikohen gjithmone me sebepet e kritereve teknike. Gjithmone kriteret i plotesojne vetem kompanite qe ofrojne cmimet me te larta.
Per rrjedhoje pjesa derrmuese e tenderave shkojne me 99 e madje edhe 100 per qind e fondit limit. Zero kursim nga prokurimi publik. Zero leke kursim per qytetaret nga gara.
Mbi 12 tendera te bera nga Bashkia e Bulqizes ne dy vitet e fundit. Te gjitha pas prokurimit rezultojne me cmim mesatar sa 99 per qind e fondit limit. Per me teper jane te njejtat kompani qe i fitojne. Thjesht i lene radhen njera tjetres.
Ky i ujesjellesit madje eshte bere edhe ne kohe pandemie, kur tenderat ishin bllokuar me vendim qeverie. Por vendimet e qeverise shkojne e vijne. Biznesi i parave publike duhet te vazhdoje.
Beni ndonje tender ku te fitoje oferta me e ulet se nuk behet kiameti. Se do kurseni para ashtu. Do keni me shume investime dhe i fitoni votat me kollaj?, shkruan Tomorri në një postim në rrjetet sociale./CNA.al





Lajmet e fundit nga