web counter
LEXO PA REKLAMA!

SHKARKO APP

App Store
Google Play

Polemikat për testin e Maturës/ Gjekmarkaj: Çdo maturant ka të drejtë të hedhë në gjyq ministrinë!

19 Qershor 2020, 16:30, Aktualitet CNA

Analisti Agron Gjekmarkaj, njëherësh zv.dekan dhe pedagog pranë fakultetit të Historisë dhe Filologjisë, në departamentin e Gjuhë-Letërsisë dhe Gazetarisë, komentoi polemikat e lindura mes ministres së Arsimit, Besa Shahini dhe pedagogëve, për testin e Maturës.

Gjekmarkaj shprehet se gjithë sa po ndodh është shumë paradoksale.

?Është shumë paradoksale gjithë sa po ndodh, ndërsa pritej tërheqja dhe kërkimi i faljes nga ministrja, ajo jo vetëm nuk bëri këtë por me mllef atakoi pedagogët e Gjuhës dhe Letërsisë. Përtej faktit personal të ministres, unë mendoj që kjo është pasojë e ligjit të Arsimit të Lartë, ku ministria përcakton kurrikulat se çfarë mund të bëjnë pedagogët. Sa e duan apo jo modernizimin mendoj që kemi kaluar në fushën e absurdit. E ftoj atë publikisht nëse ka pedagogë që kanë hartuar teste me gabime le t?i hedhë në publik emrat?, tha ai në studion e News 24.

Sa për formatin e testit të Gjuhë-Letërsisë, Gjekmarkaj tha se ai ishte konceptuar në mënyrë idiote dhe shtoi se çdo maturanti i lind e drejta të hedhë në gjyq ministrinë.

?Ishin konceptuar në mënyrë idiote. Mungonte logjika, Letërsia dhe Gjuha Shqipe në formulimin e pyetjeve, pra mungonte substanca e dijes. Çdo maturant ka të drejtë sot të hedhë në gjyq ministrinë për këtë test. Ata nuk meritojnë të jenë brezi i Turit por brezi i emancipimit?, tha analisti./CNA.al
.





Lajmet e fundit nga