E fundit!

12:57 Kosova & Bota

Tërmetet shkatërruese në Venezuelë/ Rritet numri i viktimave

Numri i viktimave nga tërmetet shkatërruese në Venezuelë k...

Zotërinj ambasadorë, Shqipëria nuk fitoi asgjë nga tenderi i Luli Bashës

6 Qershor 2020, 10:08, Politikë CNA

Pas negociatave 3-vjeçare, pasi ekspertët kishin reflektuar në një Kod të ri Zgjedhor gjithë kushtet e Bundestagut, të BE dhe gjithë rekomandimet e OSBE/ODHIR, pasi Rama doli vetë dhe për një orë rresht mbrojti depolitizimin e administratës zgjedhore, kur të gjithë prisnin që PS të vijonte me miratimin në Kuvend, PS i pranoi të gjitha sa kërkoi Luli, duke i shtuar edhe një tender teknologjie si pajë.

Amendamentet që do i bëhen Kodit Zgjedhor ekzistues janë praktikisht, pazari prej minimumi 15 milion euro i Luli Bashës dhe gjithë kërkesat e prezantuara me firmë PD-ja, por të shkruara në zyrën e Ilir Metës.

Dje në darkë ambasadorët pranuan si fitore të demokracisë një paketë me formulen “rrimë më mirë kështu si jemi”.

Sipas marrvëshjes do ndryshohen dispozitat e Kodit Zgjedhor ekzistues që rregullojnë KQZ-në.

Nga kjo histori Luli Basha kapi zëvendëskryetarin që do të gllabërojë tenderin e teknologjisë. Shifra minimale e atij tenderi niset nga 15 milionë euro.

Fundja Luli Basha ka treguar se nuk leviz nga vendi pa 15 milion. Është standarti i tij personal i vendosur me pallatin e Vlorës dhe me herët akoma.

Amendamentet e Kodit EKZISTUES, parashikojnë edhe disa dispozita të tjera që rregullojnë nivelet e ankimimit tek të cilat ka hapur vende pune të mirëpaguara për të zgjedhurit e Bashës dhe Metës dhe që nuk janë depolitizim, sepse me formulat e përfaqësimit në ato organe, thellohet dhe forcohet politizimi.

Gjithçka tjetër do rrijë siç është.

Reforma zgjedhore praktikisht u shty për në vitin 2023.

Kuptohet që pas kësaj çdo diskutim tjetër, përfshirë diskutimin për sistemin mund të rifillojë vetëm pas vitit 2023….nëse fillon…!

Ne nivel biznesi, ka fituar Basha..

Në elektorat kjo mbetet për t?u parë.

Ajo që nuk po kuptohet është se përse me logjiken “të rrijnë të gjitha siç ishin” pse duhej shtuar identifikimi me kartë që dmth tenderi i Luli Bashës?

Çfarë e detyroi Ramën që pas 3 viteve negociata t?i japë Luli Bashës të drejtën të administrojë të paktën 15 milionë euro?

Dhe pas gjithë kësaj, pse duhej që ambasadorët të dilnin e të talleshin me fitoret që paskeshin arritur?

Gjithçka u shkrua siç desh Ilir Meta, por vetë Ilir Meta doli dhe tha që nuk mjaftoka.

Pse po bëjnë tender për identifikimin elektronik, kur nuk ndryshuan asgjë tjetër? Pse nuk ia lanë edhe atë vitit 2023?

Shqiptaret duhet t?i bëjnë thirrje opozitës parlamentare..

Ajo ka votat. Ajo mund të kthejë gjithçka në pikën ZERO.

Në pazarin e miratuar mbrëmë, është më mirë të mos votohen fare amendamentet, sesa të miratohet ky palaçollëku i rradhës.

Nga kjo histori Basha del me damkën e një pazari për një tender minimumi 15 milion euro.

Rama me damkën e humbësit në një negociatë të dyshimtë që perfundoi në një pazar minimumi prej 15 milion euro.

Opozita parlamentare ka gjithë të drejtën e SHQIPTARIT të bllokojë gjithçka.

Reforma dështoi. Ajo duhet të deklarohet e tillë. Reforma duhet të pezullohet. Dhe nëse do mundet të rifillojë pas zgjedhjeve parlamentare, bashkë me debatin për sistemin.

Kështu fiton opozita parlamentare në sytë e njerëzve.

Po pranuan të votojnë produktin e asaj marrëveshje, ata do jenë më të nëpërkëmburit nga të gjithë.

Ato amendamente janë një tallje e madhe me shqiptarët.

Ambasadorët duhet të pranojnë dështimin.

Atë dështim e kërkuan vetë. Dështimi është vetëm i tyre.

Shqiptarët duhet të fitojnë duke refuzuar pseudoreformën./ CNA.al