Një fitore si e Luli Bashës

6 Qershor 2020, 08:33, Politikë CNA

Dje në mbrëmje, Luli Basha, kryetari i Republikës së re, shpalli fitoren dhe e quajti ?gol? marrëveshjen për Reformën Zgjedhore.

Në fakt po ta lexosh dokumentin e firmosur është thjeshtë dhe vetëm, ?Ku ishim? Asgjëkundi. Çfarë bëmë? Asgjësendi?.

Dokumenti e thotë me pikat e tij se do të ruhet thelbësisht statukuoja, e vetmja ndërhyrje do të jetë identifikimi biometrik, i cili do të jetë i pjesshëm dhe do të bëhet nga Bashkimi Europian.

Por, edhe në rast se do të bëhet i plotë ky identifikim nuk zgjidh thelbin e problemit, atë që Lulzim Basha e ka pasur si kryefjalë të tij, shit-blerjen e votës. Pasi edhe ai dhe Rama mund t?iu japin lekë zgjedhësve për të mos shkuar të votojnë, duke iu marrë kartat e identitetit.

Pra, sërish nuk është zgjidhur thelbi i çështjes. Prandaj nuk ka asnjë fitore të Lulzim Bashës, është thjeshtë dhe vetëm karagjozllëku i tij i radhës.

Prej më shumë se një viti dogji mandatet e deputetëve, gjoja në emër të një reforme të munguar zgjedhore dhe zgjedhjeve të lira e të ndershme. Shkoi hodhi shishe me benzinë, nxori protestuesit në rrugë, i përplasi me policinë, nuk hyri në zgjedhjet lokale dhe më pas u grimos, bëri flokët me bojë, vendosi xhelin dhe doli pas tërmetit me një fytyrë tjetër.

Por, sërish e humbi kontrollin. U acarua dhe premtoi se do të mbronte Teatrin. Doli sërish në protestë, njerëzit nuk e ndoqën dhe tani u detyrua të pranojë atë që i thonë ndërkombëtarët, edhe pse kërcënoi se nuk do të firmoste një Reformë Zgjedhore.

Në fakt nuk ka pasur një reformë të vërtetë në thelb, por vetëm është përpiluar një dokument për të gjetur rrugën e rikthimit të Lulzim Bashës në sistem. Ashtu siç ishte gjetja e Këshillit Politik, që tani e dha verdiktin e tij.

Por, çështja është në parlament, tek opozita parlamentare, ku ata në grup kanë deklaruar se nuk do ta votojnë Reformën Zgjedhore, në rast se nuk garantohet ndryshimi i sistemit dhe vota e lirë.

Prandaj, fitorja e Lulit nuk është gjë tjetër, por vetëm humbja e radhës, e cila duket e sigurtë dhe e garantuar.

E nëse herën e parë, në vitin 2017 bashkëqeverisi me Edi Ramën për t?i zënë vendin Niko Peleshit, këtë herë duket se do të shkojë në qeveri vërtetë me Edi Ramën, por do t?ia dalë duke i zënë vendin Erion Braçes./ CNA.al