web counter
LEXO PA REKLAMA!

SHKARKO APP

App Store
Google Play

Gjiknuri pas marrëveshjes: Për ne është e rëndësishme që PD hoqi dorë nga kërkesat absurde

5 Qershor 2020, 19:44, Politikë CNA

Përfaqësuesi i opozitës në Këshillin Politik Damian Gjiknuri ka folur për mediat pas dakordësimit të marrëveshjes së Reformës Zgjedhore.

Gjiknuri u shpreh duke thënë se opozita hoqi dorë nga kërkesat absurde ku shtoi se u arrit dakordësimi për pika që përgjithësisht i ndanin palët.

?Sot u arrit marrëveshja e negociuar dhe e mbështetur edhe nga ndërkombëtarët. U dakortësuam në pikat që ndanin palët. Qëlllimi ishte që administrata të ishte e depolitizuar, por opozita e kundërshtoi këtë, megjithatë me rregullat që kemi do ta çojmë përpara, administrata do të vazhdojë edhe në zgjedhjet e 2021. Nuk ka më kërkesa absurde për qeveri teknike apo administrim zgjedhjesh. Më në fund u kthyem atje ku ishim. E rëndësishme është që ne ta pranojmë dhe ta zbatojmë këtë sistem. Dhe në zgjedhjet e ardhshme depolitizimi do të nisë pasi do të përfshihet në kod. U pranua fakti që administrata zgjedhore edhe kështu si ka qenë e politizuar dhe e balancuar ka funksionuar. Këshilli politik do të vazhdojë të miratojë draftet që do të zbërdhejë kjo marrëveshje, do të trajtojë ligjin për referendumet. Ajo që është e rëndësishme, të përgatitet secila palë për zgjedhjet e reja edhe me këtë administratë që siç u pranua nuk është se s?ka funksionuar,? u shpreh Gjiknuri./CNA.al

 





Lajmet e fundit nga