E fundit!

14:54 Politikë

"Nuk mjafton produkti formal, por përmbajtja"/ Debat Boçi-Mazniku për afatin e Reformës Territoriale

Këtë të mërkurë po mbahet seanca e radhës e Komisionit të ...

Bashkia e Tiranës, 30 vendime në kohë pandemie/ Si u shkel ligji për vetqeverisjen vendore

6 Qershor 2020, 07:28, Politikë CNA

Qëndresa Qytetare monitoroi vendimet e Këshillit Bashkiak Tiranë për periudhën Mars ? Maj 2020 duke kaluar në sitë të gjitha vendimet e Këshillit të marra në kohën e pandemisë Covid 19.

Në raportin e saj, Qëndresa Qytetare thekson se Këshilli për periudhën 9 Mars ? 20 Maj 2020 mori 30 vendime duke proceduar përgjithësisht nëpërmjet platformave të komunikimit online.

Në raportin e Qëndresës Qytetare vihet re mungesa e zbatimit të ligjit për vetqeverisjen vendore nga ana e Këshillit Bashkiak në aspektin e transparencës dhe pjesëmarrjes qytetare.

Sipas Qëndresës Qytetare, pavarësisht se pati vendime për prishjen e shkollës ?Sami Frashëri?, dhënien e pronave ndaj kompanive private, tjetërsimin e rrugës ?Myslym Shyri? apo shembjen e Teatrit, këto vendime nuk u shoqruan me konsultime me banorët, grupet e interesit apo me nisma për organizimin e referendumeve duke shkelur nenin 18, pika e të ligjit për vetqeverisjen vendore, ?Këshilli Bashkiak, përpara shqyrtimit dhe miratimit të akteve, zhvillon seanca këshillimi me bashkësinë, të cilat janë të detyrueshme për rastet e parashikuara në nenet 54, pika e) miraton tjetërsimin ose dhënien në përdorim të pronave të tretëve;

Në raport po ahstu, thuhet se situata e krijuar nga Covid 19 e detyroi Këshillin Bashkiak Tiranë të mblidhet dhe të marrë vendime mbi proceset e ndihmave ushqimore, pastrimit, dezinfektimit apo lehtësirave për bizneset.

Rishikimi i kontratave me operatorët e pastrimit të cilët duhet të shtonin frekuencën e transportimit të mbetjeve dhe të kryenin dezinfektimin e koshave i kushtoi Bashkisë 468 000 euro shtesë vetëm për 60 ditë. Ndërsa transporti i mjekëve në kohë pandemie vetëm për dy kompani transporti i kushtoi Bashkisë 108 000 euro. Procesi i dezinfektimit apo i masave të marra gjatë pandemisë, pavarësisht shtesave nga fonde të drejtorive specifike, nuk u shoqërua me ndryshime në buxhetin e bashkisë për vitin 2020.

Sa i përket favorizimit ndaj biznesit, përjashtim nga taksat pati vetëm për baret dhe lokalet të cilat shfrytëzojnë hapësirën publike deri në muajin Prill, ndërsa për taksat dhe tarfiat e tjera vendore pati vetëm shtyrje të afatit deri në muajin qershor 2020.

Gjithashtu gjatë këtij monitorimi u evidentua edhe fakti i mungesës së transparencës së publikimit të vendimeve dhe project-vendiemve paraprake nga ana e Këshillit Bashkiak Tiranë, dokumenta të cilat jo vetëm janë detyrim ligjor sipas nenit 15 të ligjit për Vetqeverisjen Vendoreku thuhet se: ?Çdo akt i organeve të vetëqeverisjes vendore publikohet në faqen zyrtare të internetit të njësisë vendore dhe afishohet në vendet e caktuara nga njësia për njoftimet publike?, por privojnë edhe aksesin e qytetarëve në vendimmarrje.

Këshilli Bashkiak Tiranë në 3 muaj mori 30 vendime për prishje dhe tjetërsime pronash të qytetit por nuk realizoi asnjë konsultim me qytetarët.

Raportin e plotë e gjeni në linkun: https://qytetarin.com/wp-content/uploads/2020/06/final.pdf