E fundit!

22:06 Politikë

“Vetëm një i leshtë mendon që protesta nuk është e manipuluar”/ Spaho: Shqipëria drejt destabilizimit politik

Ish-nënkryetari dhe ish-deputeti i PD-së Edmond Spaho ka f...

Zotërinj ambasadorë, Shqipëria nuk fitoi asgjë!

6 Qershor 2020, 09:53, Politikë CNA

Ambasadorët ishin çelësi i zgjidhjes së ngërçit politik në Shqipëri, se në fakt nuk është se kishim një Reformë Zgjedhore, pavarësisht se u quajt e tillë. Por, kishim një ngërç të krijuar nga ?çmenduria? e Luli Bashës, i cili dogji mandatet e deputetëve më shumë se një vit më parë, nuk hyri në zgjedhjet lokale dhe duhej të rihynte në sistem.

Për të bërë hapin e radhës, duhej një zgjidhje. Ai ishte Këshilli Politik dhe lëvizjet e forta të ambasadorëve, si ajo e SHBA, ambasadori Britanik dhe ai i BE-së.

Pra, disa zyrtarë të lartë të vendeve mike në Shqipëri, lëvizën që të gjenin zgjidhjen që Lulzim Basha të mos vazhdonte më palaçollëkun e tij publik dhe sharlatanizmin politik.

Në fund, dje në mbrëmje u tha edhe një fjali. Se fitoi Shqipëria nga kjo marrëveshje.

Në fakt vetëm Shqipëria nuk ka fituar asnjë gjë. Është i njëjti Kod Zgjedhor, janë të njëjtët standard të zgjedhjeve të 2017-ës, ku Lulzim Basha humbi turpshëm, i pranoi zgjedhjet sepse kishte gjysmën e qeverisë, u detyrua të nxjerrë një audio-përgjim, i cili kishte të bënte me një dosje krimi, ku ishin kapur disa persona të cilët flisnin për vota me kryebashkiakun e Durrësit, apo personazhe të tjera.

Në fakt dosja u nxor pas dy vitesh, pasi ajo u sakatua. Pra, nuk u la të hetohej, të dilte e vërteta dhe personat të mbanin përgjegjësinë penale. Por, dosja u masakrua dhe u përdor politikisht. Ashtu sikundër u përdor edhe një dosje tjetër. Ajo 184, dosja e famshme e Dibrës, e cila nuk ishte e zgjedhjeve të 2017-ës, por ishte e një viti më parë, e zgjedhjeve lokale në Dibër, të cilën Lulzim Basha e mbante në dorë për ta nxjerrë në një moment të dytë.

Dhe kështu bëri. Kur dogji mandatet nxori këto dosje, pagoi mediat edhe jashtë Shqipërisë, ndezi flakë e zjarr vendin, nuk hyri në zgjedhjet lokale dhe dje tha se të gjitha u zgjidhën me marrëveshjen që u quajt si Reforma Zgjedhore, dhe fitorja e Shqipërisë.

Në fakt të nderuar ambasadorë, vetëm Shqipëria nuk ka fituar. Kemi të njëjtin Kod Zgjedhor, të njëjtat standarte zgjedhore, asnjë krim elektoral nuk është hetuar, Lulzim Bash aka pranuar gjithçka. Pra, edhe dështimin e tij dhe hirin që donte t?iu hidhte syve të shqiptarëve dhe t?i mashtrojë publikisht, duke bërë edhe çmenduritë e djegies së mandateve dhe bojkotit të zgjedhjeve.

Zgjidhja e vetme është gishti, apo identifikimi biometric. Asgjë në fakt nuk e zgjidh. Ajo që zgjidh thelbin është, zgjedhjet me standarte të cilat palët mund t?ia japin Shqipërisë dhe kultura e njohjes së humbjes.

Pra, ka ardhur koha që në Shqipëri njëra palë të pranojë humbjen dhe të vendosë institucionin e dorëheqjes, ashtu siç ka ndodhur dje me disa nga liderat kryesorë në Shqipëri. Me Sali Berishën apo Fatos Nanon.

Nuk mundet që dikush të qëndrojë në krye të opozitës, vetëm duke gjetur argumenta sesi të akuzojë kundërshtarin apo fituesin e zgjedhjeve, ?ma vodhën, u manipuluan, e të tjera si këto?.

Në fakt, Lulzim Bashës nuk ka nevojë t?ia vjedhë kush, pasi në katër vite në opozitë i dha 230 mijë vota më pak demokratëve dhe në zgjedhjet e ardhshme sërish duket se në frymën edhe pse shumë kundër Ramës, nuk do të mundet të fitojë zgjedhjet.

Prandaj, të nderuar ambasadorë, Shqipëria nuk ka fituar asgjë.

Kemi një pseudo-reformë për të rikthyer Lulzim Bashën në sistem. Jemi aty ku ishim dhe asgjë më shumë sesa kaq. Ajo që pritet është thjeshtë dhe vetëm, a do të njihen zgjedhjet e ardhshme nga humbësi?

Pra, Lulzim Basha do të pranojë se Edi Rama nuk ia vodhi? Apo e kundërta?

Ky është problemi që palët, duhet të kenë edukatën dhe kulturën e duhur politike, për të pranuar humbjen dhe për të dhënë dorëheqjen. E në rast se duan të mbahen pas karriges së kryetarit të partisë, të njëjtën situatë do ta kemi disa muaj pas zgjedhjeve. Ndoshta në vjeshtën e ardhshme./ CNA.al