web counter
LEXO PA REKLAMA!

SHKARKO APP

App Store
Google Play

Si “shkëlqen” Tirana e Veliajt

30 Maj 2020, 09:31, Politikë CNA

Kryeqyteti po kthehet në një vend ku janë hapur me qindra apo me mijëra gropa dhe sot po ndërtohen kulla më shumë se kurrë.

Në vend të një shkëlqimi po ngrihen male betoni të cilat thjesht dhe vetëm bëjnë hije. Gazetari Andi Bejtja do të thoshte se sahati i Tiranës tashmë do të kthehej në një qostek pasi do të dukej si një pikë përballë kullave gjigante pas bashkisë së Tiranës.
Një kullë tjetër është pas 15-katshit, një tjetër një krah të këtij hoteli dhe një përballë Teatrit të Operas dhe Baletit.

Në të katër anët e sheshit Skëndërbej kulla betoni që çjerrin qiellin. Dhe jo vetëm kaq, ndërtime ka në rrugën e Durrësit, në rrugën e Kavajës, në rrugën e Elbasanit, në unazë, në zona të tjera të kryeqytetit, kudo kulla, kulla dhe vetëm kulla.

E për ata që pretendojnë se Erion Veliaj është një kryetar bashkie me vizion e po zhvillon e po ndërton Tiranën, vizioni i tij i vetëm duket se është betoni. Malet me beton po shkatërrojnë përfundimisht, në mënyrë të pakthyeshme çdo hapësirë publike. Tirana po kthehet në një qytet me një kaos të madh në trafik, të shkaktuar jo vetëm nga këto ndërtime, por në një qytet pa infrastukturë të mirëmenduar dhe pa një plan të qartë zhvillimi. Kulla dhe vetëm kulla për këdo që kërkon të hapë gropa dhe të hedhë malet me beton nga 20-40 kate.

Kjo është Tirana që ?shkëlqen? e në qoftë se shkëlqimi është betoni, vërtet Tirana e Veliajt po shkëlqen me kulla të cilat po pushtojnë edhe atë pak hapësire publike që mund të kishte ngelur diku në kryeqytet./CNA.al





Lajmet e fundit nga